Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
३५२,२२७
संक्रमित
५,६८५,९३८
निको भएका
२,४३०,७८६
नेपालमा कोरोना भाइरस
मृत्यु
संक्रमित
१,०४२
निको भएका
१८७

गुल्मीमा राहत वितरणमा तीव्रता, मदाने गाउँपालिकाले बाँड्यो विपन्नलाई राहत



२६ चैत, गुल्मी – कोरोना भाइरस अर्थात कोभिड–१९ का कारण यति बेला विश्वजगत नै त्रसित बनिरहेको छ । नेपालमा पनि कोरोना रोकथाम तथा नियन्त्रणको लागि लकडाउनको घोषणा गरिएको छ भने लकडाउनलाई कडाईका साथ कार्यन्वयन गरिएको छ । लक डाउनका कारण विपन्न परिवारमा समस्या निम्तिएको छ ।

त्यस्तै गुल्मीमा पनि विपन्न परिवार तथा दैनिक ज्याला मजदुरी गरि आफ्नो जिविकोपार्जन गर्ने श्रमिकहरुलाई मध्यनजर गर्दै राहत वितरण कार्यमा तिव्रता दिएको छ । त्यस्तै, यता जिल्लाको मदाने गाउँपालिकाले पनि मंगलबारदेखि राहत वितरण कार्यको थालनी गरिएको मदाने गाउँपालिकाका सुचना अधिकारी ऋषि पोख्रेलले जानकारी दिए । मदाने गाउँपालिकाका ७ सय ७० परिवारलाई राहत प्रदान गरिएको सुचना अधिकारी पोख्रेलले उल्लेख गरे ।

वडा नम्बर एकका एक सय १५ घरपरिवार ,वडा नम्बर दुईका १ सय , वडा नम्बर तिनका १ सय १४, वडा नम्बर पाँचका १ सय १६ , वडा नम्बर छ का १ सय ६ र वडा नम्बर सातका १ सय ११ घरपरिवारलाई ३० केजी चामल ,तीन केजि दाल,दुई केजी नुन , दुई लिटर तेल, दुई केजी चिनी र चार पोका सावुन राहत वितरण गरिएको छ । राहत वितरणमा छुटेका केही घरपरिवारलाई बिहीबार वितरण गरिने मदाने गाउँपालिकाले जनाएको छ ।

राष्ट्रिय मापदण्ड अनुसार विपन्न परिवारको पहिचान गरि सम्मान जनक ढंगले करिब १७ लाख ५० हजार बराबरको राहत प्रदान गरिएको गाउँपालिकाका प्रमुख प्रशासकीय अधिकृत सुरेश भण्डारीले बताए ।

त्यस्तै कोरोना रोकथाम तथा नियन्त्रणको लागि गाउँपालिकाका विभिन्न छ ठाउँमा ५६ बेड क्षमताको क्वारेन्टाइनको व्यवस्था गरिएको र अहिले क्वारेन्टाइनमा १० जनालाई राखिएको गाउँपालिकाले जनाएको छ ।

त्यस्तै सिमा नाकामा पनि कडाई गरिएको गाउँपालिकाको दाबी छ । गुल्मी, अर्घाखाँची र प्युठानसँग सिमाना जोडिएको सङ्गम स्थल सौतामारेमा हेल्थ डेस्कको स्थापन गराई कडा निगरानी बढाईएको गाउँपालिकाका अध्यक्ष दान बहादुर केसीले सल्लेरी खबरलाई बताए । जिल्ला प्रवेशको विषयलाई लिएर नाकामा केही विवाद तथा सिमा नाकामा सामान्य भनाभनका घटनाहरु बाहिर आईरहेको कुरालाई स्वीकार्दै सिमानामा कडाई हामी सबैको लागि गरिएको गाउँपलिकाले स्पष्ट पारेको छ ।

खड्का सल्लेरी खबरका ५ नम्बर प्रदेश सम्बाददाता हुन् ।

प्रतिक्रिया दिनुहोस्