वि.सं २०७६ मा रिलिज भएका राम्रा ५ नेपाली चलचित्र

काठमान्डौँ । चलचित्रको क्षेत्रमा २०७६ सालमा केही राम्रा चलचित्र बने, केहीले लगानी उठाउन सकेनन् । केही चलचित्र कोरोनाको कारणले गर्दा हलमा लाग्न पाएनन् । यहाँ वि.सं २०७६ सालमा रिलिज भएका ५ राम्रा चलचित्रको बारेमा छोटकरीमा वर्णन गरिएको छ ।

१. जात्रै जात्रा

दुई वर्षअघि रिलिज भएको चलचित्र जात्राको सिक्वेलको रुपमा जात्रै जात्रा चलचित्र बनेको थियो । जात्राको अन्त्य जहाँ भएको थियो त्यहींबाट जात्रै जात्राको सुरुवात भयो । चलचित्रलाई प्रदिप भट्टराईले निर्देशन गरेका हुन् । चलचित्रमा विपिन कार्की, रवीन्द्र झा, रविन्द्र सिंह बानिया र वर्षा राउतको अभिनय रहेको छ । जात्रै जात्रामा नक्कली पैसाको कारण जेल गएका तीनजना साथी जेलबाहिर आएपछि परेको आर्थिक संकटको बारेमा चलचित्रमा प्रस्तुत गरिएको छ । जात्रा र जात्रै जात्रा दुबै निकै मन पराइएका चलचित्र हुन् ।

२. कबड्डी कबड्डी कबड्डी

राम बाबु गुरुङको निर्देशनमा बनेको चलचित्र कबड्डी कबड्डी कबड्डी भदौ १३ मा रिलिज भएको थियो । प्रस्तुत चलचित्रलाई दर्शकहरुले मन पराएका थिए । यसभन्दा अगिका दुई चलचित्र शैलीमा चलचित्र बनेको छ । चलचित्रमा दयाहाङ राई रिश्मा गुरुङ, माओत्से गुरुङ, पुष्कर गुरुङ, कविता आले, बुद्धि तामाङ लगायतका कलाकारहरुको अभिनय रहेको छ ।

३. आमा

महाशिवरात्रिको अवसर पारेर आमा चलचित्र रिलिज भएको थियो । आमा चलचित्रलाई पशुपतिप्रसादबाट चर्चा बटुलेका निर्देशक दिपेन्द्र के खनालले निर्देशन गरेका हुन् । चलचित्रमा मिथिला शर्मा र सुरक्षा पन्तको प्रमुख भूमिका रहेको छ । चलचित्रमा सुरक्षा पन्त मिथिलाकी छोरीको रुपमा देखिएकी छिन् । आमा र छोरीको भावनात्मक सम्बन्धलाई चलचित्रमा देखाइएको छ । मिथिला र सुरक्षाको साथमा सरिता गिरी, देशभक्त खनाल लगायतका कलाकारको अभिनय रहेको छ ।

૪. सेन्टी भाइरस

चलचित्र कबड्डीबाट चर्चा बटुलेका रामबाबु गुरुङको निर्देशनमा सेन्टी भाइरस बनेको हो । सेन्टी भाइरस र आमा चलचित्र एकैदिन हलमा रिलिज भएका थिए । सेन्टी भाइरसमा सिताराम कट्टेल, कुञ्जना घिमिरे र दयाहाङ राई मुख्य भूमिकामा देखिएका छन् । श्रीमान र श्रीमती फरक पार्टीमा हुँदा देखा पर्ने समस्यालाई चलचित्रमा देखाइएको छ । चलचित्रमा विल्सन विक्रम राई, बुद्धि तामाङ, कमलमणि नेपाल लगायतका कलाकारहरुको पनि अभिनय रहेको छ ।

५. छ माया छपक्कै छ माया छपक्कै

दिपेन्द्र के लामाको निर्देशनमा बनेको चलचित्र हो । दीपकराज गिरी, दीपाश्री निरौलाको टिमले बनाएको यो चौथो चलचित्र हो । चलचित्रमा दीपकराज गिरी, जितु नेपाल, केकी अधिकारी, केदार घिमिरे लगायतका कलाकारहरुको अभिनय रहेको छ ।

सल्लेरी खबर