धनगढी । सोमबार राति कैलालीको टीकापुर नगरपालिका १ न वडाका वडाध्यक्ष गङ्गाराम आचार्य दुर्घटनामा परेर घाइते भएका छन् । सरकारले लगाएको लकडाउनको उलङ्घन गरी रक्सी खाएर फर्कनेक्रममा नालीमा खसेर आचार्यको बाँया करङ्ग भाँच्चिएको छ ।
श्रोतका अनुसार वडाध्यक्ष आचार्यको टोलीले पाँच लिटरको एक जर्किन मौवाको रक्सीसहित एक बोत्तल रक्सी पनि सिध्याएका थिए ।
वडाध्यक्ष घर आउने क्रममा नालीमा खसेपछि सामुदायिक वनसँग संलग्न राजीपुरकै एक स्थानीयले उनलाई उद्धार गरेको बताइएको छ । वडाध्यक्षको अहिले कैलालीकै लम्किस्थित एक अस्पतालमा उपचार भइरहेको छ ।
प्रतिक्रिया दिनुहोस्