Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
३८२,४८४
संक्रमित
६,४५२,७०३
निको भएका
३,०६७,६८१
नेपालमा कोरोना भाइरस
मृत्यु
संक्रमित
२३००
निको भएका
२७८

कोरोनाको कारण डराउनेछन् खेलाडी तर टी–ट्वान्टी विश्वकप हुन सक्दछ– गम्भिर गौतम



एजेन्सी । भारतीय क्रिकेट टिमका पूर्व खेलाडी गौतम गम्भिरले कोरोना हराइसकेपछि पनि खेलाडीहरुमा डर हुने बताएका छन् ।

गम्भिर भन्छन्, “यो खासमा व्यक्तिमा नै भर पर्दछ । तर, जब उनीहरु खेल्न आउनेछन् तब केही थोरै डर भने अवश्य हुनेछ । हुन सक्छ केही समय मैदानमा बिताएपछि खेलाडीहरुले कोरोनालाई भुल्नेछन् र खेलमा रमाउने छन् ।”

कोरोना भाइरसले पुरै विश्वको खेल गतिविधिमा रोक लागेको छ । विश्वका केही भागमा फुटबल भने खेल्न थालिएको छ । भारतको सबैभन्दा ठुलो घरेलु प्रतियोगिता आईपीएल भारतीय क्रिकेट कन्ट्रोल बोर्डले अनिश्चित कालको लागि रोकिदिएको छ । कोरोनाकै कारणले गर्दा अक्टोबर–नोभेम्बरतिर हुने टी–ट्वान्टी विश्वकप पनि हुने नहुने दोधारमा छ ।

यदि आईसीसीले प्रतियोगितामा भाग लिने सबै बोर्डलाई एकै मञ्चमा ल्याउन सके प्रतियोगिता हुने गम्भिरको अनुमान छ ।

“प्रतियोगिता हुने नहुने कुरा भारतीय क्रिकेट कन्ट्रोल बोर्ड, अन्तरराष्ट्रिय क्रिकेट काउन्सिल र बाँकी बोर्डमा निर्भर पर्दछ । यी सबैलाई एकैसाथमा ल्याउन सके प्रतियोगिता हुन सक्दछ । अन्यथा भन्न सकिंदैन ।” गम्भिरले थपे ।

प्रतिक्रिया दिनुहोस्