१५ असार, गुल्मी। गुल्मीमा ट्याक्टर अनियंत्रित भैइ दुर्घटना हुदा एक जनाको ज्यान गएको छ भने एक जना घाइते भएका छन ।
सिमलटारीबाट छल्दितर्फ जाँदै गरेको लु ३ त ३२६७ नम्बरको ट्रक्टर इस्मा गाउँपालिका वडा नम्बर दुई स्थिति स्याला भन्ने स्थानमा अनियन्त्रित भई बाटोबाट अन्दाजी २५/३० मिटर तल खोलामा खसेको सशस्त्र प्रहरी बल गुल्मीका प्रमुख बिनोद खनालले सल्लेरी खबरलाई बताए ।
ट्यक्टरका चालक रेसुङ्गा नगरपालिका -१० वस्ने वर्ष २५ का विष्णु परियार घाईते भई उपचारका लागि पाल्पातर्फ लगिएको छ भने उक्त ट्याक्टरमा सवार गुल्मीदरबार गा.पा.-०६ वस्ने अन्दाजी वर्ष १३ का विकास परियारको ज्यान गएको छ ।
खोलामा बेपत्ता भएका उनलाई सशस्त्र प्रहरी बल, नेपाल नं.३७ गुल्म गुल्मीबाट स.प्र.नि. कमलेश कुमार महतोको टोलीले छल्दीपना खोलाभित्र पानीमुनी ट्याक्टरको चक्कामुनि मृत अवस्थामा फेला पारेको र शव निकाले बताईएको छ । खोलामा पानीको सतह बढेका कारण उद्दार गर्न असहज र जोखिम रहेको डिएसपी खनालले उल्लेख गरे । घटना बारे थप अनुसन्धान भैरहेको जिल्ला प्रहरी कार्यालय गुल्मीले जानकारी दिएको छ ।
खड्का सल्लेरी खबरका लुम्बिनी प्रदेश सम्बाददाता हुन् ।