Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
९०८,६६०
संक्रमित
२८,०५७,६७७
निको भएका
२०,१२३,४४९
नेपालमा कोरोना भाइरस
मृत्यु
३९०
संक्रमित
६१,५९३
निको भएका
४३,८२०

रोजगारी गुमाएर फर्किएकालाई मालिका गाउँपालिकाले गाउँमै रोजगार दिने



१३ साउन, गुल्मी – गुल्मीको मालिका गाउँपालिकाले कोरोना भाइरसका कारण रोजगारी गुमाएर गाउँ फर्किएकालाई आँफुहरु गाउँमै रोजगार दिन सक्षम रहेको बताएको छ । आर्थिक वर्ष २०७७/७८को नीति तथा कार्यक्रममा रोजगार गुमाएर गाउँ फर्किएकालाई गाउँमै रोजगार दिने उद्देश्यले तीन करोड रकम विनियोजन गरिएको मालिका गाउँपालिकाका प्रवक्ता तथा वडा नम्वर ६ का वडा अध्यक्ष शोभाखर गिरीले बताए ।

गाउँमै रोजगारी दिन सक्ने के छन् त आधार ।

गाउँपालिकाले विभिन्न आधार देखाउदै आँफुहरुले गाउँ फर्किएका सबैलाई रोजगारी दिने दाबी गरेको छ । मालिका गाउँपालिकाका प्रवक्ता तथा वडा नम्बर छ का वडा अध्यक्ष शोभाखर गिरिले सल्लेरी खबरलाई भने, “हाम्रा गाउँपालिकामा भारत सहित तेस्रो मुलुकबाट सात जना गाउँ आउनु भएको छ । तर हामी १५ सय जनालाई रोजगारी दिन सक्ने अवस्थामा छाैँ ।”

गाउँपालिकाले डोजोर तथा ठुला मेशिन प्रयोग नगरी विकास निर्माणका कार्यमा स्थानीयलाई नै प्रयोग गर्नका लागि ३ करोड रकम विनियोजन गरेको छ । जुन रकमबाट सडक विस्तार तथा मर्मत ,सिचाइँका आयोजना , खानेपानीका आयोजना निर्माण गर्ने गाउँपालिकाको उद्देश्य रहेको छ ।

त्यस्तै प्रधानमन्त्री रोजगार कार्यक्रम अन्तर्गत ५१ लाख ७० हजार रकम गाउँपालिकामा छुट्टिएको छ भने यस कार्यक्रमबाट तीन सय जनाले रोजगार पाउनेछन् । गाउँपालिकाले गाउँमै उद्यम गर्नेलाई पनि राम्रो अवसर दिएको छ । व्यवसाय गर्नेहरुको लागि निर्ब्याज ऋण उपलब्ध गराउने गाउँपालिकाले जनाएको छ । गाउँपालिका अध्यक्ष रित बहादुर थापाले भने, “तपाईंहरु ढुक्कले ऋण लिएर व्यवसाय गर्नुस् । तपाईंको ऋणको ब्याज गाउँपालिकाले तिरिदिन्छ ।”


यस्तै मालिका गाउँपालिकाले गाउँपालिकालाई कृषिमा आत्मनिर्भर बनाउन र किसानलाई उत्पादनमा प्रेरित गर्ने उद्देश्यका साथ सुरु गरिएको उत्पादनमा आधारित अनुदान कार्यक्रमलाई पनि यस वर्ष निरन्तरता दिने भएको छ । सो कार्यक्रमका लागि ३० लाख रकम विनियोजन गरिएको छ ।

उत्पादनमा आधारित अनुदानबाट किसानले आफ्नो उत्पादन अनुसार अनुदान पाउने व्यवस्था गरिएको छ । जसमा मासुमा प्रतिकेजी १ सय , दुध मा प्रति लिटर रू ५, प्रति अण्डा दुई रुपैयाँका दरले अनुदान दिने र तरकारीमा प्रजातिमा हेरिकन अनुदान दिँदै आएको प्रवक्ता गिरिले बताए ।

खड्का सल्लेरी खबरका ५ नम्बर प्रदेश सम्बाददाता हुन् ।

प्रतिक्रिया दिनुहोस्