१० भदौ, काठमाडौं। कोरोनाभाइरस संक्रमणबाट पाटन अस्पतालमा उपचार गराइरहेका ५४ वर्षीय पुरुषको गएराति मृत्यु भएको छ ।
त्यस्तै, मोरङको विराट शिक्षण अस्पतालमा उपचारका क्रममा विराटनगरकी एक महिलाको पनि संक्रमणबाट मृत्यु भएको छ ।
विराटनगर –१५ की ४४ वर्षीया महिलाको गएराति उपचारको क्रममा ज्यान गएको हो । उनी स्वासप्रस्वास सम्बन्धी समस्याका कारण मंगलबार अस्पताल भर्ना भएकी थिइन्।
कैलालीको गोदावरी नगरपालिकाका- ४५ वर्षीय पुरुषको कोरोना संक्रमणका कारण मृत्यु भएको छ ।
मंगलबार कोरोना संक्रमण पुष्टि भएका उनको धनगढीस्थित सेती प्रादेशिक अस्पतालमा उपचारकै क्रममा बुधबार विहान मृत्यु भएको अस्पतालका सूचना अधिकारी दिलिपकुमार श्रेष्ठले जानकारी दिए ।
त्यस्तै, विराटनगरको निजी अस्पतालमा उपचारत एकजना कोरोना संक्रमितको मृत्यु भएको छ । न्यूरो अस्पताल विराटनगरमा ६० वर्षीय पुरुषको कोरोना संक्रमणका कारण मृत्यु भएको हो ।
