एजेन्सी । हिन्दु धर्मशास्त्र अनुसार हरेक भगवान बहुरूपी हुन्छन् । अर्थात् एक भन्दा अरू रूपमा पनि भगवान रहेका हुन्छन् ।
हिन्दु शास्त्र अनुसार प्राचीन कालदेखि नै केही प्राप्तीका लागि भगवानको पूजा तथा अर्चना गर्ने चलन छ । अहिलेसम्म पनि यो प्रचलन कायमै छ ।
सरस्वती पूजाको दिन विद्या प्राप्तिको लागि माता सरस्वतिको पूजा गरिन्छ । त्यस्तै विषेशतः धन प्राप्तिको लागि माता लक्ष्मीको पूजा गरिन्छ ।
तर, लक्ष्मी माताको प्रार्थना गर्दा धन मात्रै पाइँदैन । माता लक्ष्मीको धेरै स्वरूपहरू छन् । त्यी रूपहरू अनुसार के आवश्यकता छ सोही अनुसार पूजा अर्चना गर्न सकिन्छ ।
१. धन लक्षमी
धन सम्पत्ति प्राप्तिको चाहना हुनेहरूले धन लक्ष्मीको प्रार्थना गर्नु उत्तम मानिन्छ । धनलक्ष्मी पूजा गर्दा घरमा पर्याप्त धन सम्पत्ति हुने विश्वास छ ।
२. ऐश्वर्या लक्ष्मी
रूपवान तथा आकर्षक हुनका लागि ऐश्वर्या लक्ष्मीको पूजा गर्नुपर्ने बताइन्छ । यसका साथै भाैतिक सुखका लागि पनि ऐश्वर्या लक्ष्मीको पूजा गर्न सकिने बताइन्छ ।
३. गज लक्ष्मी
मान सम्मान प्राप्ति गर्ने उद्देश्य राखेर गज लक्ष्मीको पूजा गर्ने गरिन्छ । जागिरमा राम्रो पद तथा पदोन्नतिका लागि पनि गज लक्ष्मीको पूजा गर्ने गरिन्छ ।
४. वीर लक्ष्मी
सबै प्रकारका भय र त्रासबाट मुक्ति पाउन वीर लक्ष्मीको पूजा गर्नु उत्तम मानिन्छ । खराब मन्त्र तथा तन्त्रमन्त्रबाट मुक्ति पाउनको लागि पनि वीर लक्षमीको पूजा गर्नु राम्रो मानिन्छ ।
५. सन्तान लक्ष्मी
सन्तान प्राप्तिका लागि सन्तान लक्ष्मीको पूजा गरिन्छ । त्यसका साथै सन्तान सुख, सन्तानको लामो आयु र उन्नति प्रगतिको कामना राख्दै पनि वीर लक्ष्मीको पूजा गर्न सकिन्छ ।
६. आदि लक्ष्मी
पारिवारिक शान्तिका लागि आदि लक्ष्मीको पूजा गर्नुपर्छ । आदि लक्ष्मीको पूजा अर्चनाबाट रोगबाट मुक्ति पाइने विश्वास पनि गरिन्छ ।
७. विजय लक्ष्मी
काम लगायत अन्य क्षेत्रमा सफलता प्राप्तिका लागि विजय लक्ष्मीको पुजा गर्नु राम्रो मानिन्छ । मुद्दा मामिलामा विजय हुनका लागि पनि विजय लक्ष्मीको पुजा गर्नु राम्रो मानिन्छ ।
८. धान्य लक्ष्मी
अन्न बालि तथा घरमा खानेकुरा भरीपूर्ण होस् भन्ने उद्देश्यले धान्य लक्ष्मीको पूजा गरिन्छ । कृषि लगायत अन्य क्षेत्रको प्रगतिका लागि समेत धान्य लक्ष्मीको पूजा गर्नु राम्रो मानिन्छ ।
