Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
१,०९६,८७६
संक्रमित
३८,७४३,८६४
निको भएका
२९,१२३,५४२
नेपालमा कोरोना भाइरस
मृत्यु
७३९
संक्रमित
१३२,२४६
निको भएका
९२,१६६

यो हप्ता कोरोनाका कारण साउदीमा सबैभन्दा धेरै नेपालीको मृत्यु



११ असोज, काठमाडाैँ । कोरोना भाइरसको प्रभाव विश्वव्यापी छ । नेपालमा पनि यसको संक्रमण दर र मृत्यु हुनेको संख्या पनि बढिरहेको छ । त्यस्तै नेपाल बाहिर पनि नेपालीहरूमा कोरोनाको जोखिम उस्तै छ ।

गैरआवासीय नेपाली सङ्घले जनाए अनुसार यो हप्ताभरी विदेशमा २१ जना नेपालीको कोरोना संक्रमणबाट मृत्यु भएको छ । त्यस्तै अहिलेसम्म ४२ देशमा रहेका ३८ हजार ८४८ नेपाली कोरोना भाइरसबाट सङ्क्रमित हुँदा अहिलेसम्म ३५ हजार ७८ जना कोरोना सङ्क्रमणमुक्त भएका छन् ।

साउदी अरबमा यो हप्ता सबैभन्दा धेरै नेपालीले कोरोना भाइरसका कारण ज्यान गुमाएका छन् । यो हप्ताभरी मात्रै त्यहाँ १४ जना नेपालीको कोरोना भाइरसका कारण मृत्यु भएको छ ।

साउदी पछि सबैभन्दा धेरै नेपालीको मृत्यु कुबेतमा भएको छ । त्यहाँ यो हप्तामात्रै पाँच जना नेपालीको मृत्यु भएको छ । शनिबार साँझसम्मको तथ्यांक साउदी र कुबेतसहित युगान्डा र युएईमा एक/एक जना गरी जम्मा २१ जनाको मृत्यु भएको हो ।

विदेशमा कोरोना संक्रमित भएकामध्ये कुल ९२ प्रतिशत नेपाली कोरोना संक्रमण मुक्त भएका छन् । यो साता पोर्चुगल, बेलायत, साउदी अरब, कुवेत, युएई, संयुक्त राज्य अमेरिकामा रहेका नेपालीमा कोरोना संक्रमण देखिएको छैन ।

अहिलेसम्म देश र विदेशमा गरी जम्मा ७४२ जना नेपालीको कोरोना भाइरसका कारण मृत्यु भएको छ ।

प्रतिक्रिया दिनुहोस्