Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
२,१०२,७९२
संक्रमित
९८,१९०,९५१
निको भएका
७०,५९६,९३६
नेपालमा कोरोना भाइरस
मृत्यु
१,९८६
संक्रमित
२६८,९४८
निको भएका
२६३,३४८

गुल्मीमा झारफुक गर्ने क्रममा धामीले तातो पुन्युले हान्दा बिरामीको मृत्यु



२९ पुस, गुल्मी । झारफुक गर्दा झाँक्रीले हानेको पुन्युले हानेर एक जना बिरामीको मृत्यु भएको छ ।

गुल्मीको रेसुङ्गा नगरपालिकामा ३८ वर्षका झाँक्री राम प्रसाद श्रेष्ठले हानेको तातो पुन्युले हानेर घाइते भएका इस्मा गाउँपालिका ३ दर्लामचौरका ६३ बर्षिया राम बहादुर मुखियाको ज्यान गएको हो ।

मुखिया ढाड दुखेको समस्या लिएर झारफुक गर्न धामीको घर गएका थिए । ती धामीले उपचार गर्नेभन्दै ४ दिनसम्म केही खान नदिई तातो फलामे डन्डी, स्टिलको झाँझर तताएर तथा प्लास्टिक पाइपले हान्दा मृत्यु भएको उनका छोराले आरोप लगाएका छन् ।

धामीको कुटाइबाट मुखिया घाइते भएपछि धामी नै घरमा अपरिचित व्यक्ति घरमा आएर होहल्ला गरेको भन्दै प्रहरीका उजुरी दिन पुगेका थिए । तर, धामीको घर पुगेको प्रहरीले धामीको कुटाइबाट नै मुखियाको मृत्यु भएको पत्ता लगाएको थियो ।

प्रहरीले दिएको जानकारी अनुसार मृतक मुखियाको शरीरभरी निलडाम रहेको छ । यसभन्दा अघि पनि उनै श्रेष्ठले ४० वर्षीया टोपला दमाईलाई तातो पुन्युले हानेर घाइते बनाएका थिए ।

अहिले आफुलाई धामि दावी गर्ने रामप्रसाद श्रेष्ठ र उनकी ३६ वर्षीया श्रीमती शान्तिला श्रेष्ठलाई नियन्त्रणमा लिएर अनुसान्धान सुरू गरिएको प्रहरीले जानकारी दिएको छ ।

प्रतिक्रिया दिनुहोस्