पर्वतका एक जना बलाक ठूलादेखि साना चोरीका घटनामा संलग्न देखिएका छन् भन्ने खबर आजको नेपाल समाचारपत्रमा छापिएको छ ।
पर्वत जिल्लामा विगत केही महिनादेखि विभिन्न स्थानहरुमा भएका चोरीका घटनामा ११ बर्षीया बालककै संलग्नता रहेको पुष्टि भएको हो ।
जिल्ला प्रहरी कार्यालय पर्वतले दिएको जानकारी अनुसार ११ बर्षीय जीवन दमै (नाम परिवर्तन) नै विभिन्न मितिमा भएका चोरीमा संलग्न भएको देखिएको छ ।
कुस्माको मेलमिलाप चोकमा जिपमा राखेको नगद चोरी गरेर भाग्दै गरेको अवस्थामा उनी पक्राउ परेपछि यसअघि पर्वत, बागलुङ र म्याग्दीमा भएका धेरै चोरीका घटनामा आफू संलग्न भएको उनले स्वीकार गरेका छन् ।
पर्वतको मोदी गाउँपालिका ४ बस्ने २२ बर्षीय हिरा पुनले सोमबार कुस्मा बजारमा रहेको एक बैंकबाट झिकेर जिपमा राखेको ९० हजार रुपैयाँ नगदसहितको झोला चोरी गरेर भाग्दै गर्दा ती बालक पक्राउ परेका थिए ।
