राष्ट्रिय गौरवको आयोजनाको रुपमा हेरिएको ७५० मेगावटको पश्चिम सेती जलाशययुक्त जलविधुत् आयोजना विकासका लागि चाइना थ्री गर्जेज इन्टरनेसनल कर्पोरेसन सिटिआईसँग भएको समझदारी औपचारिक रुपमै खारेज भएको छ ।
मंगलबार बसेको लगानी बोर्डले ३२ औँ बैठकले यस्तो निर्णय गरेको हो । ०६८ मा भएको सम्झौता अनुसार सात बर्षभित्र अर्थात आगामी चैत्रभित्र योजना सकिनुपर्ने थियो, तर साढे ६ बर्षसम्म काम नै सुरु नभई सम्झौता खारेज भएको छ ।
थ्री गर्जेजले पश्चिम सेती अघि बढाउन अनिच्छा परियोजना विकासको उपयुक्त ढाँचा सिफारिस गर्न उर्जामन्त्री, अर्थमन्त्री र लगानी बोर्ड कार्यालयका प्रमुख कार्यकारी अधिकृत रहने गरी ३ सदस्यीय उच्चस्तरीय समिति गठन गरिएको लगानी बोर्डले जनाएको छ । यसरी योजना खारेज हुँदा अबको १० बर्षमा १५ हजार मेगावाट बिजुली उत्पादन गर्ने सरकारको योजनामा धक्का लागेको छ । यसरी विदेशी कम्पनीहरुले ठुला आयोजनाहरु होल्ड गरेर राख्ने र आर्थिक घाटा सरकारलाई पर्ने गरेको छ ।
