Logo

गल्ली गल्लीमा जमराको जुस



Spread the love

अहिले जमराको जुस निकै चर्चामा छ । हरेक रोगको अचुक उपचार कै हदसम्म जमराको जुस सेवनको प्रचारप्रसार भइरहेको छ र मानिसहरुले त्यसमाथि अन्धधुन्ध विश्वास पनि गर्न थालेका छन् । त्यही कुराको प्रमाण हो, आजभोलि चोक चोकमा, गल्ली गल्लीमा र हुँदाहुँदा त मर्निङ वाक हिँड्ने समयमा समेत ठाउँठाउँमा जमराको जुसको व्यापार गर्नेहरुको संख्या पनि बढ्दै गइरहेका छन् ।

खासगरी, चिकित्साका विविध उपाय र विधिहरु अपनाउँदा पनि निको हुन नसकेको रोग जमराको जुसको सेवनले विसेक भएको, क्यान्सर निको भएको, डाइबिटिज ठीक भएको जस्ता चर्चा परिचर्चाले जमराको जुसको सेवन गर्ने प्रवृत्ति ह्वात्तै बढेको छ । हुँदा हुँदा त विभिन्न अनलाइन तथा भाँडाका व्यापार गर्नेहरुले जमराको जुस निचोर्ने विशेष मेशिनकै समेत व्यापार व्यापक रुपमा गर्ने गरेका छन् ।

तर जमराको जुसको अन्धधुन्ध प्रयोग स्वास्थ्यको लागि खतरनाक हुन सक्ने चेतावनी विशेषज्ञले दिएका छन् । विशेष गरी, जमराको जुसले मानिसको रोग निको पार्छ भन्ने बारे हालसम्म नेपालमा कुनै ठोस अनुसन्धान भइनसकेको र तत्सम्बनधी वैज्ञानिक प्रमाण समेत उपलब्ध नभइनसकेको कारण जमराको जुसलाई ‘अहिले हरेक रोगहरुको रामवाण औषधि’को रुपमा प्रचार गरेजस्तो औषधि मान्न नसकिने’ चिकित्सक बताउँछन् ।

प्रतिक्रिया दिनुहोस्