अस्पताललाई रु बयालिस लाख सहयोग

धनगढी, २१ असार ।
धनगढी उपमहानगरपालिका—३ बोराडाँडी निवासी देवकीदेवी अवस्थीले सेती अञ्चल अस्पताल धनगढीमा सघन उपचार कक्ष सञ्चालनका लागि रु ४२ लाख सहयोग गर्नुभएको छ ।
अस्पतालमा आज आयोजित कार्यक्रममा श्रीमती अवस्थीले संयुक्त रुपमा अस्पतालका मेडिकल सुपरिटेन्डेन्ट डा सूर्यबहादुर गुरुङ र व्यवस्थापन समितिका अध्यक्ष यज्ञराज पाण्डेयलाई उक्त रकमको चेक हस्तान्तरण गर्नुभयो ।
श्रीमती अवस्थीले पति कृष्णदत्तको सघन उपचार कक्षमा राखेर समयमै उपचार पाउन नसकी निधन भएको स्मरण गर्दै पतिको स्मृतिमा अस्पतालको सघन उपचार कक्षको व्यवस्थापनका लागि उक्त रकम दान गर्नुभएको हो ।
अस्पतालमा दाताका नाममा लेखिएको शिलालेखको कैलालीका प्रजिअ गोविन्द रिजालले अनावरण गर्नाका साथै दाता अवस्थीलाई सम्मान गर्नुभयो ।
अस्पतालले उक्त रकम सघन उपचार कक्षको व्यवस्थापनका साथै असहाय र गरिबको उपचारमा खर्च गर्ने जनाएको छ । अस्पतालमा एक वर्षअघि सघन उपचार कक्ष स्थापना गरिएको थियो । रासस÷