१३ बैशाख, भद्रपुर ।
झापाको भद्रपुर नगरपालिकामा आज बिहान चट्याङ लागेर एक जनाको मृत्यु भएको छ ।
भद्रपुर नगरपालिका–६ नयाँबारीका ३२ वर्षीय भीम राजवंशीको चट्याङ लागेर मृत्यु भएको हो ।
जिल्ला प्रहरी कार्यालय झापाका प्रवक्ता महेन्द्रकुमार श्रेष्ठका अनुसार उनलाई आफ्नै घरमा सुतिरहेको अवस्थामा आज बिहान २ बजे चट्याङ लागेको थियो ।
चट्याङ लागेर गम्भीर घाइते भएका राजवंशीलाई उपचारका लागि मेची अञ्चल अस्पताल भद्रपुर ल्याउँदै गर्दा बाटैमा मृत्यु भएको प्रवक्ता श्रेष्ठले बताए ।
प्रतिक्रिया दिनुहोस्