१२ जेठ, गुल्मी – सुन्दा अचम्म लाग्न सक्छ एक जन जनप्रतिनिधिले खुल्ला मञ्चमा त्यो पनि आफ्नै ठाउँमा भएको कार्यक्रममा कलाकार माथी गाली बेइजती तथा माईक खोस्ने प्रयास गरे भन्दा । तर, अब अचम्म मान्नुपर्ने अवस्था रहेन ।
गुल्मीका वडा अध्यक्षले त्यस्तै हरकत देखाएका छन् । जिल्लाको मदाने गाउँपालिका वडf नम्बर १ मा आयोजित साँस्कृतिक कार्यक्रममा मदाने गाउँपालिका वडा नम्बर १ का वडा अध्यक्ष प्रेम चन्दले कलाकार गणेश अधिकारी माथी दुर्व्यवहार गरेका हुन । अधिकारिले गीत गाउँदै गर्दा अध्यक्ष चन्दले माईक खोस्ने प्रयास मात्र गरेनन् उनले कलाकार माथि अपशब्दको वर्षात् समेत गर्न भ्याए ।
नेपाल तरुण दल मदाने कार्य समितिले आयोजना गरेको कार्यक्रममा कलाकार अधिकारी त्यस कार्यक्रमका विशेष कलाकारका रूपमा उपस्थित थिए । कलाकार अधिकारीसँग सम्पर्क राख्दा उनले भने, “६ बजे पछि कार्यक्रम बन्द गर्नु पर्ने थियो होला । तर वडा अध्यक्षले म प्रति दुर्व्यवहार गर्नु भयो । यति मात्र नभइ म माथी बाहिरको केटाहरु बोलाएर हातपात गर्ने प्रयास पनि गरियो ।”
यता वडा अध्यक्षलाई सल्लेरी खबरले पटक पटक सम्पर्क राख्दा उनले मैले गरेको छैन भनेका छन् । तर हरेक पटक कुरा फेर्ने गरेका छन् । दिनभर कार्यक्रममा मनोरञ्जन लिएका अध्यक्ष ले एक्कासी साँझमा त्यस्तो हर्कत देखाउँदा स्थानीय तथा कलाकारहरूले वडा अध्यक्षले मादक पदार्थ सेवन गरेको हुन सक्ने आशंका गरेका छन् । त्यस क्षेत्रका समाजसेवी तथा वुद्दिजिवीहरुले वडा अध्यक्षको व्यवहारले गर्दा सिङ्गो वडा तथा गाउँपालिकाको नाममा समेत धब्बा लागेको भन्दै दुःख व्यक्त गरेका छन् ।
खड्का सल्लेरी खबरका लुम्बिनी प्रदेश सम्बाददाता हुन् ।