Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
१,१२३,१९५
संक्रमित
४०,६६२,६११
निको भएका
३०,३६२,७४१
नेपालमा कोरोना भाइरस
मृत्यु
७५७
संक्रमित
१३६,०३६
निको भएका
९४,५०१

मलेसियालाई पराजित गर्दै नेपाल फाइनलमा प्रवेश



२३ असार, काठमाडौं । मलेसियामा जारी एसीसी यू१९ इस्टर्न रिजन क्रिकेट प्रतियोगिताको फाइनलमा नेपाल पुगेको छ । सोमबार मलेसियालाई ७ विकेटले हराउदै नेपालले फाइनलमा स्थान बनाएको हो ।

मलेसियाले दिएको ८८ रनको विजयी लक्ष्य नेपालले १५.५ ओभरमा ३ विकेटको नोक्सानीमा भेट्टायो । नेपालको सुरुवात भने राम्रो थिएन । नेपालका लागि भिम सार्कीले सर्वाधिक ३३ रनको योगदान गरे । त्यस्तै नेपालका कप्तान रोहितकुमार पौडेलले ३१ रन जोड्दा पवन सर्राफले १८ रनको योगदान गरे ।

मलेसियाका लागि मोहम्मद खैरले दुई तथा मोहम्मद अमिरले एक विकेट हात पारे ।

यसअघि किनरारा ओभलमा पहिले ब्याटिङ थालेको घरेलु टोलीले ४५.५ ओभरमा सबै विकेट गुमाएर ८७ रन बनाएको थियो ।

मलेसियालाई सस्तैमा समेट्ने क्रममा नेपालका सागर ढकालले ३ कुशल मल्लले दुई तथा रसिद खान, कमल सिंह ऐरी र तिलक राज भण्डारीले एक/एक विकेट लिएका थिए ।

नेपालले अब फाइनलमा सिंगापुर र हङकङबीचको विजेतासँग प्रतिस्पर्धा गर्नेछ ।

प्रतिक्रिया दिनुहोस्