२३ असार, काठमाडौं ।अर्जेन्टिनी कप्तान लिओनेल मेस्सीलाई भारतीय राष्ट्रिय टोलीका कप्तान तथा फरवार्ड सुनील क्षेत्रीले अन्तर्राष्ट्रिय खेलमा सर्वाधिक गोल गर्ने सुचिमा पछाडि पारेका छन् ।
इन्टरकन्टिनेन्टल कप अन्तर्गत आइतबार राति भएको खेलमा ताजकिस्तानविरुद्ध २ गोल गरेसंगै मेस्सीलाई क्षेत्रीले सर्वाधिक गोल गर्ने रेकर्डमा पछि पारेका हुन् ।सुनीलले राष्ट्रिय टोलीका लागि खेलेको १ सय ९ औं खेलमा ७० गोल गर्दै मेस्सीलाई उछिनेका हुन् ।
खराब प्रदर्शन गरेका मेस्सीले भने १ सय ३६ खेलबाट मात्र ६८ गोल गरेका छन् । क्षेत्री भन्दा अगाडि पोर्चुगलका क्रिष्टियानो रोनाल्डो रहेका छन् । उनले १५८ खेलबाट ८८ गोल गरेका छन् ।हाल मेस्सी तेस्रो स्थानमा रहेका छन् ।
प्रतिक्रिया दिनुहोस्