काठमाडौं – सैनिक युथ क्लब झापाले प्रथम मुख्यमन्त्री कप फुटबल प्रतियोगिताको उपाधि जितेको छ । धरानमा मंगलबार भएको फाइनलमा बेलबारी एफसी मोरङलाई २–१ गोल अन्तरले पराजित गर्दै सैनिकले उपाधि जितेको हो ।
धरानस्थित एन्फा टेक्निकल सेन्टरमा सैनिकलाई जित दिलाउन रिजन माझी र विकेश सुब्बाले एक एक गोल गरे । बेलबारीका सौलभ कार्कीले एक गोल फर्काए ।
उपाधिसँगै सैनिकले ५ लाख नगद प्राप्त गरेको छ । यस्तै उपविजेता बेलबारीले ३ लाखमा चित्त बुझायो ।
प्रतिक्रिया दिनुहोस्