कान्तिपुर इन्जिनियरिङ कलेज, धापाखेलमा दुई विद्यार्थी संगठनले विद्यार्थी हक हितका लागि गरेका मागको अझैसम्म सुनुवाई हुन सकेको छैन । सो कलेजका दुई संगठन नयाँ शक्ति विद्यार्थी युनियन र नेपाल विद्यार्थी संघद्वारा यहि असार २९ गते मागपत्र प्रस्तुत भएता पनि सम्बोधनमा भने अझै आनाकानी भइरहेको पाइएको छ ।
गत असार २९ गते विद्यार्थीहरूको हक, हित र समय सापेक्ष सुधारका लागि विज्ञप्ती सहित १८ बुँदे माग विद्यार्थी संगठनले प्रस्तुत गरेका थिए । तर, कलेज प्रशासनले पत्र पाएको महिना दिनभन्दा बढी भईसक्दा पनि सम्बोधन भने गर्न सकेको छैन ।
उता कलेज प्रशासनले आँफु सकारात्मक भएको देखाएता पनि ठोस निर्णय र समयमै माग पुरा हुने गरी आवश्यक कदम चाल्न सकिरहेको छैन ।
विद्यार्थीहरूले कलेज माग पुरा गर्न ढिला सुस्तीका साथै आश्वासनमा नै संघर्षको अन्त्य गर्ने तर्फ उद्यत भएको बताउँदै १०–१२ लाखको महंगो लागतमा पनि गुणस्तरीय शिक्षा प्रदान गर्न असक्षम रहेको बताएका छन् । “आश्वासन कै भरमा संघर्षको अन्त्य हुँदैन । १०–१२ लाख रकम खर्चिएपछि गुणस्तरीय शिक्षा तथा सुविधा पाउनुपर्छ।“ विद्यार्थीहरूले भने ।
विद्यार्थीले अघि थपे,“कलेजले झारा टार्ने प्रवृत्तिको अन्त्य गर्नुपर्छ । शैक्षिक सुधार नै देश विकासको आधार हो ।“
लामो समयदेखि आन्दोलनरत विद्यार्थीहरूले आन्दोलन गरेर संस्थाको अस्तित्व नाश गर्नु नभई संस्थालाई थप जिम्मेवार बनाउने तर्फ आन्दोलन अग्रसर रहेको समेत बताएका छन् ।
हेर्नुहोस् विद्यार्थी संगठनले राखेका १८ बुँदे मागहरूः
विद्यार्थी आन्दोलनको प्रतिक्रियास्वरुप कलेज प्रशासनले जारी गरेको विज्ञप्तीः
भदौ २ गते भएको सहमति जुन कलेज प्रशासनले अक्षरश पालना नगरेको विद्यार्थीको गुनासो रहेको छः
