भदौ ९, काठमाडौँ- राष्ट्रपति विद्यादेवी भण्डारीले असोज २ गते हुन लागेको स्थानीय तहको तेस्रो चरणको चुनावका लागि नेपाली सेना परिचालन गर्न स्वीकृति प्रदान गर्नुभएको छ । प्रदेश नम्बर २ का १३६ वटा स्थानीय तहमा असोज २ गते निर्वाचन हुँदैछ ।
स्थानीय तह निर्वाचन सुरक्षा योजनामा नेपाली सेनासहितका सुरक्षा निकाय एकीकृत तथा समन्वयात्मक रूपमा परिचालन गर्ने व्यवस्था छ । यही व्यवस्थाअनुसार नेपाली सेना परिचालनका लागि राष्ट्रिय सुरक्षा परिषद्को सिफारिस र मन्त्रिपरिषद्को निर्णयअनुसार प्रधानमन्त्रीको सिफारिसमा राष्ट्रपतिले सेना परिचालन गर्न अनुमति दिनुभएको हो ।
नेपालको संविधान २०७२ को धारा ६६ को उपधारा (२) बमोजिम राष्ट्रपतिले नेपाली सेना परिचालन गर्न स्वीकृति प्रदान गर्नुभएको राष्ट्रपति कार्यालयका प्रवक्ता मोहनप्रसाद वाग्लेले जानकारी दिनुभयो ।
प्रतिक्रिया दिनुहोस्