Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
५५७,५६९
संक्रमित
१२,३९७,९५९
निको भएका
७,२२७,११२
नेपालमा कोरोना भाइरस
मृत्यु
३५
संक्रमित
१६६४९
निको भएका
८०११

सागका लागि बिच भलिबल कोर्ट निर्माण शुरु



२३ भाद्र, पोखरा – नेपालमा आगामी मङ्सिर १५ देखि २४ गतेसम्म आयोजना गरिने १३औँ दक्षिण एशियाली खेलकूद प्रतियोगिता(साग) का लागि बिच भलिबल कोर्ट निर्माण शुरु गरिएको छ ।

बिच भलिबल खेल पोखरामा खेलाइने भएपछि पोखरा महानगरपालिका–६ स्थित फेवाताल किनारमा आजदेखि भलिबल कोर्ट निर्माण शुरु गरिएको हो । खेलका लागि चार वटा मैदान आवश्यकपर्ने भएकाले तीन वटा नयाँ निर्माण गरिने र हाल विद्यमान कोर्टको स्तरोन्नति गरिने नेपाल भलिबल सङ्घका जिल्ला अध्यक्षसमेत रहेका बिच भलिबल व्यवस्थापन समितिका संयोजक भीम पराजुलीले बताए ।

उनका अनुसार चार वटा कोर्टमध्ये दुई प्रतियोगिताका लागि र बाँकी अभ्यासका लागि प्रयोग गरिनेछ । कोर्टसँगै कपडा फेर्ने कोठा, बाथरुमलगायतका संरचनासमेत निर्माण गरिने र आगामी असोज पहिलो साताभित्रमा ती संरचनाको निर्माण सम्पन्न गर्ने योजना रहेको बताइएको छ ।

कोर्ट निर्माण कार्यको अवलोकनका लागि पुग्नुभएका गण्डकी प्रदेशसभा सदस्य राजीव पहारीले देशको प्रतिष्ठासँग जोडिएको प्रतियोगितालाई सफल बनाउनुपर्ने बताउँदै प्रतियोगिताबाट पर्यटकीय शहर पोखराको थप प्रवर्द्धन  हुने विश्वास व्यक्त गरे ।

राष्ट्रिय खेलकूद परिषद् (राखेप)का सदस्य राजेशकुमार गुरुङले व्यवस्थापन समितिमार्फत मैदान निर्माणको काम शुरु गरिएकाले तोकिएकै मितिमा सम्पन्न हुने विश्वास व्यक्त गरे ।

सागमा बिच भलिबलसहित महिला फुटबल, भारत्तोलन, महिला तथा पुरुष ह्याण्डबल, प्याराग्लाइडिङ, आर्चरी र ट्रायथोलन गरी आठ प्रतियोगिता पोखरामा सञ्चालन गर्ने योजना छ । पछिल्लो समय महिला क्रिकेट पनि पोखरामा गर्ने बारेमा छलफल शुरु भएको बताइन्छ ।

प्रतिक्रिया दिनुहोस्