Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
१,५११,७२६
संक्रमित
६५,५२८,१३३
निको भएका
४५,३७१,०७३
नेपालमा कोरोना भाइरस
मृत्यु
१,५५१
संक्रमित
२३७,५८९
निको भएका
२२०,२७२

सन्दीपको सानदार प्रदर्शनसँगै बार्बाडोसको पहिलो जित



२६ भदौ, काठमाडौं । बार्बाडोस ट्राईडेन्टसले क्यारेवियन प्रिमियर लिगमा पहिलो जित निकालेको छ । विहीबार विहान भएको खेलमा सेन्ट किट्स एण्ड नेभिस प्याट्रियटसलाई १८ रनले पराजित गर्दै बार्बाडोसले पहिलो जित निकालेको हो ।

१ सय ८७ रनको विजयी लक्ष्य पछ्याएको सेन्ट किट्स निर्धारित २० ओभरमा ९ विकेटको नोक्सानीमा १ सय ६८ रन मै समेटियो । उसका लागि लौरी इभान्सले ४१ बलको सामना गर्दै १० चौका र १ छक्का सहित ६४ रन जोड्यो । त्यस्तै , डोमोनिक ड्रक्सले १४ बलको सामना गर्दै ३४ रनमा अविजित रहे पनि टोलीलाई हारबाट बचाउन सकेनन् ।

बार्बाडोसको जितमा सन्दीप लामिछानेले ४ ओभरमा २२ रन खर्चेर ३ विकेट हात पारे । आजको खेलमा सन्दीपनै म्यान अफ द म्याच भए । त्यस्तै, कप्तान जोसन होल्डर र हेडेन वाल्शको नममा समान २ विकेट रह्यो ।

टस हारेर पहिले ब्याटिङ थालेको सन्दीप सम्मिलित बार्बाडोस निर्धारित २० ओभरमा दुई विकेटको नोक्सानीमा १८६ रन बनाएको थियो । उसका लागि लेनिको बाउचरले सर्वाधिक अविजित ६२ रन, जोनसन चार्ल्सले ५२ तथा जेपी डुमिनीले अविजित ४३ रन प्रहार गरे। सेन्ट किट्सका रयाद इम्रिट र उसामा मिरले समान १/१ विकेट हात पारे।

प्रतिक्रिया दिनुहोस्