Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
५५७,५६९
संक्रमित
१२,३९७,९५९
निको भएका
७,२२७,११२
नेपालमा कोरोना भाइरस
मृत्यु
३५
संक्रमित
१६६४९
निको भएका
८०११

संविधान दिवसका दिन काठमाडौं महानगरपालिकाले नागरिकलाई सेवा उपलब्ध गराउने



३ असाेज, काठमाडौं । संविधान दिवसका दिन टुँडिखेलमा हुन लागेकाे कार्यक्रममा उपस्थित आम नागरिकका लागि बस्ने कुर्सी, पिउने पानी, शौचालय, आकस्मिक उपचार लगायतका सेवा काठमाडौं महानगरपालिकाले उपलब्ध गराउने भएकाे छ ।

फाइल तस्बिर

काठमाडौं महानगरपालिकाका प्रवक्ता ईश्वरमान डङ्गोलका अनुसार, प्रत्येक वडा कार्यालयबाट जनप्रतिनिधि कर्मचारी स्थानीयवासीलगायतको सहभागितामा सांस्कृतिक झाँकीसहितको -याली कार्यक्रमस्थल सैनिक मञ्चसम्ममा ल्याउने तयारी गरेको छ ।

संविधान दिवसलाई राष्ट्रिय दिवसका रुपमा मनाउन तथा दिवसको उल्लास नागरिकस्तरमा पु-याउन राष्ट्रिय झण्डाको उपयोगलाई प्रबर्द्धन गर्ने हेतुले कामपाले सहभागीलाई राष्ट्रिय झण्डासहित -यालीमा सहभागी गराउनका निमित्त हरेक वडा कार्यालयलाई १०० थान राष्ट्रिय झण्डा उपलब्ध गराउनेलगायतका काम गरेकाे छ । साथै कामपाका प्रमुख विद्यासुन्दर शाक्यले नगरवासीलाई घर-घरमा राष्ट्रिय झण्डा फहराउन पनि आग्रह गरेका छन् ।

दिवसको अवसरमा सबै मातहत कार्यालयमा असोज २, ३ र ४ गते तीन दिन बेलुका दीपावली हुनेछ ।

प्रतिक्रिया दिनुहोस्