९ असोज, नवलपुर । १४ वर्षीया बालिका बलात्कार गरी गर्भवती बनाएको आरोपमा ६५ बर्षीय एक बृद्धलाई नवलपुर प्रहरीले पक्राउ गरेको छ ।
जिल्ला प्रहरी प्रमुख एसपी मोहन पोखरेलका अनुसार, चितवनको भरतपुर महानगरपालिका–१६ घर भई नवलपुर (पूर्व–नवलपरासी) को कावासोतीमा बस्दै आएका ६५ बर्षीय टेकबहादुर घलेलाई १४ बर्षीया बालिका बलात्कारको आरोपमा पक्राउ गरिएको हाे । ती बालिकाको पेटमा ७ महिनाको गर्भ रहेको पनि एसपी पाेखरेलले जानकारी दिए ।
घलेविरुद्ध बलात्कार आरोपमा जाहेरी परेपछि उनलाई पक्राउ गरिएको र अदालतमा म्याद थप गरी अनुसन्धान भईरहेको पनि एसपी पाेखरेलले बताए ।
प्रतिक्रिया दिनुहोस्