Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
६८२,९९९
संक्रमित
१७,७५८,८०४
निको भएका
११,१६१,५२०
नेपालमा कोरोना भाइरस
मृत्यु
६३
संक्रमित
२१,३९०
निको भएका
१५,१५६

हिस्टुनले शिक्षक आयोगबाट खुलाइएको शिक्षक लाइसेन्सको परीक्षा बहिष्कार गर्दै



९ असोज, काठमाडौँ l शिक्षक सेवा आयोगबाट खुलाइएको शिक्षक लाइसेन्सको परीक्षा माध्यमिक विद्यालय शिक्षक युनियन नेपाल(हिस्टुन)ले बहिष्कार गर्ने भएको छ ।

हिस्टुनको केन्द्रीय कार्यालयमा बुधवार बसेको अनौपचारिक बैठकले शिक्षक आयोगले खुलाएको शिक्षक लाइसेन्सको विज्ञापन नम्बर ३५ खारेज नभएसम्म परीक्षामा उपस्थित नहुन सम्पूर्ण सदस्य शिक्षकहरूसँग अनुरोध गरेको छ ।

गत साउन २८ गते सर्वोच्च अदालतमा हिस्टुनले शिक्षक लाइसेन्स विज्ञापन खारेजीको माग गर्दै मुद्दा दायर गरेको थियो । तर, सर्वोच्च अदालतले सो मुद्दामा अन्तरिम आदेश जारी गर्नु नपर्ने बताएको थियो ।

हिस्टुनका अध्यक्ष पुष्प न्यौपानेका अनुसार, शिक्षा ऐनको आठौँ संशोधनले विद्यालयको संरचनामा परिवर्तन गरी कक्षा १२ सम्मलाई माध्यमिक तह बनाए पश्चात् कक्षा १० र ११–१२ मा पढाइ हुने विषयमा अन्तर आएपछि, यस्तो समस्या उत्पन्न भएको हो l

उनले भने, “हाम्रो मागको बारेमा शिक्षा मन्त्रीलाई पटक पटक अवगत गराउँदा पनि सुनुवाइ भएन, अदालतबाट पनि न्याय नपाए पछि हामी बाध्य भएर बहिष्कारको निर्णयमा पुग्यौँ । १० गते नै हुने अन्य परीक्षा प्रति हाम्रो कुनै चासो छैन ।’’

प्रतिक्रिया दिनुहोस्