Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
७४७,२५८
संक्रमित
२०,८०६,९६१
निको भएका
१३,७०६,६८५
नेपालमा कोरोना भाइरस
मृत्यु
९६
संक्रमित
२४,९५७
निको भएका
१६,८३७

स्टार सिटीलाई ‘दशैँकप फुटसल’ प्रतियोगिताको उपाधि



१९ असोज, धनगढी – धनगढीको फ्ल्याटल्याण्ड फुटसलमा भएको ‘दशैँकप फुटसल प्रतियोगिता’को उपाधि स्टार सिटी कैलालीले जितेको छ । शनिबार भएको फाइनलमा एक्सपर्ट एजुकेशन तथा भिसा सर्भिसेजलाई एकका विरुद्ध चार गोल गर्दै स्टार सिटीले उपाधि उचालेको हो ।

उपाधिसँगै सिटीले रु ३० हजारसहित ट्रफी र मेडल पाएको छ । उपविजेता एक्सपर्ट एजुकेशन तथा भिसा सर्भिसेजले रु १५ हजारसहित ट्रफी र मेडल पाएको छ । प्रतियोगिताको उत्कृष्ट खेलाडी स्टार सिटीका सन्दीप कुँवर र सर्वाधिक गोलकर्ता स्टार सिटीकै कमल देउवा र उत्कृष्ट गोलरक्षक एक्सपर्टका मिलन लामा भए ।

यसअघि आजै भएको सेमिफाइनलमा स्टार सिटीले फ्रेण्ड्स क्लब कैलालीलाई पराजित गरेको थियो भने एक्सपर्टले विशाल युवा क्लबलाई पराजित गरेको थियो । फ्ल्याटल्याण्डका सञ्चालक प्रेम जोशीको अध्यक्षतामा भएको समापन समारोहमा अखिल नेपाल फुटबल सङ्घका केन्द्रीय सदस्य प्रकाश विष्ट र कैलाली जिल्ला फुटबल सङ्घका अध्यक्ष मोहित शाहले पुरस्कार वितरण गरे । फुटसल खेलप्रतिको आकर्षणसँगै पछिल्लो समयमा यहाँ लगातार फुटसल प्रतियोगिता हुने गरेका छन् ।

प्रतिक्रिया दिनुहोस्