Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
६८२,९९९
संक्रमित
१७,७५८,८०४
निको भएका
११,१६१,५२०
नेपालमा कोरोना भाइरस
मृत्यु
६३
संक्रमित
२१,३९०
निको भएका
१५,१५६

ईशान नेपाली राष्ट्रिय क्रिकेट टोलीमा असफल



२३ असोज, काठमाडौँ । ओमन, सिङगापुर यात्राको लागि नेपाली राष्ट्रिय टोलीमा ईशान पाण्डे पनि अटाएका छन् । उनलाई ओपनिङमा ब्याटिङ गराउने सोचका साथ टिममा समावेश गरिँदा धेरै नेपाली क्रिकेटप्रेमीले उनको नामै सुनेकै थिएन । तर ईशानलाई जुन विश्वासका साथ टोलीमा समाबेश गराएका थिए, त्यसअनुरुप उनले प्रदर्शन गर्न सकेनन् । ओमानमा खेलेको तीन वटा खेलमा राष्ट्रिय टिमको ओपनिङमा देखिएको संकट टार्ने भने इशानले अझै मेहनत गर्नु पर्ने देखिएको छ ।

सन् २०१६ मा बंगलादेशमा भएको यु-१९ विश्वकपमा इशान नेपाली टिममा थिए। २०१६ को विश्वकपमा बेन्चमै सीमित बन्न पुगेका इशानको खेल करिअरले त्यसपछि पनि उचाइ लिन सकेन। घरेलु फ्रेन्चाइज लिगमा उनी बिक्न सकेनन्।

सिंगापुरमा आयोजित त्रिकोणात्मक टी-२० सिरिजमा नेपालले तीन खेल खेल्दा ईशानले पहिलो दुईमा ओपनिङ गरेका थिए । जसमा उनी पुरै असफल भएका थिए । पहिलो खेलमा जिम्बाबेविरुद्ध ८ बलको सामना गर्दा ४ रन मात्र बनाए । सिंगापुरविरुद्ध उनले ६ बलमा ५ रन बटुले । दुई खेलमा खराब प्रदर्शनपश्चात जिम्बाबेविरुद्धको तेस्रो खेलमा उनले मौका पाएन।

ओमानमा भएका दुई खेलमा पवन सर्राफले नै ओपनिङ गरे । उनी पनि तीनवटै म्याचमा असफल भएका थिए । त्यसपछि बुधबार फेरि इशानलाई टिममा समावेश गरिएको थियो ।

टेष्ट नेशन आयरल्याण्डविरुद्ध ओपनिङ गर्ने मौका पाउका इशानले ३० बलमा २ चौकाको मदतमा २२ रन जोडे । अब बाँकी खेलमा इशान र पवनमध्ये कसलाई खेलाउने भन्ने नेपाली प्रशिक्षकका लागि टाउको दुखाईको विषय बनेको छ ।

प्रतिक्रिया दिनुहोस्