Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
८२,४२१
संक्रमित
१४,३६,८४१
निको भएका
३,०३,७२८
नेपालमा कोरोना भाइरस
संक्रमित
निको भएका

तिहारमा घरलाई कसरी नयाँ देखाउने?



चार्डपर्वको आएसंगै अवसर पारेर हामीलाई हाम्रो घर सफा गरेर नयाँ जस्तै बनाउने मन लाग्छ । अझ तिहार जस्तो झिलिमिलीको पर्वमा त घरलाई अझ राम्रो र चिटिक्कको बनाउन मन लाग्छ । तिहारमा कसरी घरलाई नयाँ देखाउने?

बत्ती
लाइटको छनोट गर्दा तातो र चिसो भन्ने कुरालाई पनि ध्यान दिनुपर्छ । प्रकाशमार्फत् हामी शान्ति र आनन्दको समेत महसुस गर्न सक्छौं । त्यसैले ज्यादै चम्किलो प्रकाश दिने बत्तीको प्रयोग गर्नु हुँदैन । कोठालाई ग्ल्यामर शैलीको बनाउने विचार आयो भने पनि न्यानो दिने शैलीका बत्ती प्रयोग गर्नुपर्छ ।
रंग रोगन
घरलाई नयाँ र आकर्षक बनाउनका लागि रंगको सबैभन्दा ठूलो भूमिका हुन्छ । किनभने, हरेक व्यक्तिले सबैभन्दा पहिला हेर्ने भनेको घरको रंग नै हो । चार्डपर्वको अवसरमा प्रायः उज्यालो शैलीका रंगहरु प्रयोग गर्नुपर्छ । अचेल घरमा चम्किला रंगभन्दा भलाद्मी रंगहरुको प्रचलन बढेको छ । अचेल सेतो, अफ हृवाइट, हल्का पहेंलो, हल्का नीलो तथा हल्का हरियो रंगको प्रचलन बढेको छ ।
वाल पेपर
अचेल कोठाका भित्ताहरुमा विभिन्न प्रकारका रंगहरुको साटो वाल पेपर टाँस्ने प्रचलन बढेको छ । तपाईंले आफ्नो रोजाई र गुणस्तरका वाल पेपर प्रयोग गरेर यो चार्डपर्वको मौसममा कोठालाई सुन्दर बनाउन सक्नुहुनेछ । कोठामा वाल पेपर छनोट गर्दा बालबालिकाहरुको कोठामा उनीहरुको रोजाई अनुसार कार्टुनसहितको वाल पेपर प्रयोग गर्न सकिन्छ भने बृद्ध-बृद्धाको कोठामा सादा वाल पेपर प्रयोग गर्न सकिन्छ ।
पर्दा
कोठालाई आकर्षक देखाउनका लागि घरको झ्यालमा लगाइने पर्दाको पनि ठूलो भूमिका हुन्छ । कोठाका लागि पर्दाको छनोट गर्दा कोठामा भएका फर्निचर तथा भित्ताको वाल पेपरलाई पनि ध्यान दिनुपर्छ । फर्निचर र भित्ताको रंगसँग मिल्दो जुल्दो पर्दा राख्नु उपयुक्त हुन्छ ।
कार्पेटिङ
घरको कोठालाई आकर्षक बनाउने अर्को पक्ष हो भुईंमा ओछ्याइने कार्पेट । अचेल पार्केटिङको प्रचलन खासै छैन । त्यसको स्थान अचेल टायलले लिन थालेको छ ।

प्रतिक्रिया दिनुहोस्