२१ मंसिर, काठमाडौं । १३ औं दक्षिण एसियाली खेलकुद (साग) महिला टि ट्वान्टी क्रिकेट प्रतियोगितामा माल्दिभ्सलाई १० विकेटले पराजित गर्दै नेपालले कास्य हात पारेको छ । ९ रनको सामान्य लक्ष्य नेपालले १.१ओभरमा पुरा गर्दै कास्य जितेको हो ।
नेपालको जितमा ओपनर रोमा थापा ३ र काजल श्रेष्ठ २ रनमा अविजित रहिन् । त्यसअघि पोखरा रंगाशालामा टस जितेर पहिले ब्याटिङ थालेको माल्दिभ्स ओभरमा ११.३ ओभरमा ८ रनमा अल आउट भयोे । नेपालको कसिलो बलिङ सामु माल्दिभ्सका ब्याट्सवुमेनले १० खाता खोल्न सकेनन् ।
स्पिनर अञ्जली चन्दले ४ ओभरमा ३ मेडन सहित १ रन खर्चेर ४ विकेट लिइन् । कप्तान रुबिना क्षेत्री बेलबासे र सिता राना मगरले २-२ विकेट लिए । करुणा भण्डारी र सुमन खतिवडाको नाममा १-१ विकेट लिए ।
प्रतिक्रिया दिनुहोस्