Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
३९,०४६
संक्रमित
८,०३,५४७
निको भएका
१,७२,४३४
नेपालमा कोरोना भाइरस
संक्रमित
निको भएका

कोरोना अपडेटः २१ हजार बढीको मृत्यु, एकै दिन २३ सय बढीले गुमाए ज्यान



विश्वभरि महामारीका रुपमा फैलिँदै गएको कोरोना भाइरसको सङ्क्रमणको कारण बिहीबारसम्म २३ हजार ३ सय ९८ व्यक्तिको मृत्यु भएको छ ।

विश्व स्वास्थ्य सङ्गठनले सार्वजनिक गरेकोे विवरणअनुसार संंसारभरि ४ लाख ७१ हजार ६० जना कोरोना भाइरस सङ्क्रमित भएका छन् ।

सङ्क्रमित व्यक्तिहरुमा १ लाख १४ हजार २ सय १८ जना उपचारपछि घर फर्किएका छन् । ३ लाख ३५ हजार ५ सय ५८ व्यक्ति हाल सङ्क्रमित रहेका छन् । कोरोना भाइरस कोभिड–१९ को सङ्क्रमण हालसम्म १९८ भन्दा बढी देशमा देखा परीसकेको छ ।

चीनको हुबेई प्रान्तको उहान शहरबाट शुरु भएको कोभिड–१९ लाई विश्व स्वास्थ्य सङ्गठनले ‘विश्वव्यापी महामारी’को सङ्ज्ञा दिएको छ ।

कोरोना भाइरस सङ्क्रमणबाट चीनभरी ३ हजार २ सय ८७ व्यक्तिको मृत्यु भएको छ भने, ८१ हजार २ सय ८५ जना सङ्क्रमित रहेका छन् । बिहीबार प्राप्त समाचारअनुसार ७४ हजार ५१ व्यक्ति उपचारपछि घर फर्किएका छन् । अब चीनमा जम्मा ३ हजार ९ सय ४७ जनामा मात्र कोरोनाको संक्रमण रहेको छ ।

हाल कोरोना भाइरसका कारण अत्यन्त प्रभावित भएको इटालीमा यस रोगको सङ्क्रमणको कारण ७ हजार ५ सय ३० व्यक्तिको मृत्यु भएको छ । हाल ७४ हजार ३ सय ८६ जना सङक्रमित रहेका छन् । मङ्गलबार प्राप्त एक समाचारअनुसार ९ हजार ३ सय ९२ व्यक्ति उपचारपछि घर फर्किएका छन् ।

इरानमा कोरोना भाइरसको सङ्क्रमणको कारण ९ हजार ९ सय ४३ व्यक्तिको मृत्यु भएको छ । हाल १३ हजार ९ सय ६३ जना सङक्रमित रहेका छन् । ८ हजार ९ सय १३ व्यक्ति उपचारपछि घर फर्किएका बताइएको छ ।

कोरोना भाइरसको सङ्क्रमणको कारण स्पेनमा २ हजार ७७ व्यक्तिको मृत्यु भएको छ । हाल २७ हजार १७ जना सङक्रमित रहेका छन् । बिहीबार प्राप्त एक समाचारका अनुसार ९ हजार ६ सय २५ व्यक्ति उपचारपछि निको भएर घर फर्किएका छन् । स्पेनमा २४ घण्टाको अवधिमा मात्रै ६ सय ५६ जनाको कोरोना भाइरसको कारण मृत्यु भएको छ ।

संयुक्त राज्य अमेरिकामा कोरोना भाइरस सङ्क्रमणका कारण १ हजार २७ व्यक्तिको मृत्यु भएको छ । हाल ६८ हजार २ सय ३ जना सङक्रमित छन् भने, ३ सय ९४ जना उपचारपछि निको भएर घर फर्किएका छन् ।

नेपालमा बुधबार थपिएका १ जना कोरोना संक्रमित सहित कुल संक्रमित संख्या ३ पुगेको छ भने १ जना उपचारपछि निको भएर घर फर्किसकेका छन् ।

यसै गरी २४ घण्टाको अवधिमा विश्वभर ४८ हजार ४ सय ८६ जना नयाँ कोरोनाका संक्रमित थपिएका छन् भने २ हजार ३ सय ८९ जना संक्रमितले ज्यान गुमाएका छन् । जम्मा संक्रमित मध्ये १ लाख १४ हजार २ सय १८ जना उपचारपछि निको हुँदा १४ हजार ७ सय ९२ जना गम्भीर अवस्थामा कोरोनासँग जुधिरहेका छन् ।

प्रतिक्रिया दिनुहोस्