Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
३,४७,८७३
संक्रमित
५५,८८,३५६
निको भएका
२३,६५,७१९
नेपालमा कोरोना भाइरस
मृत्यु
संक्रमित
६८२
निको भएका
११२

किन हामी नयाँ मान्छे भन्दा नजिकको प्रिय मान्छेसँग बढी रिसाउँछौं ? समाधान के ?



हाम्रो व्यवहार सधैं एकनासको हुँदैन । मान्छेपिच्छे, माहोलपिच्छे हाम्रो बोल्ने शैली र प्रस्तुत हुने तरिका फरक भैरहेको हुन्छ ।

मनोविज्ञानका प्राध्यापक डेबोरा साउथ रिचार्डसनले गरेको एक अनुसन्धानले मानिसको यस्तो किसिमको व्यवहारको वैज्ञानिक कारण बाहिर ल्याएको छ । जसअनुसार हामी आफूले चिनेका या माया गर्ने नजिकका मान्छेहरूसँग सजिलै खुल्छौं, रिसाउँछौं । तर यसको ठिक उल्टो, टाढाको मान्छेसँग भने बस् फिस्स मुस्कुराउँछौं मात्र । न त्यति रिसाउँछौं, न त्यतिसारो खुलेर कुरा गर्छौं नै ।

यसका पछाडि ३ कारण रहेको रिचार्डसनको अनुसन्धानले देखाएको छः

पहिलो कारणः

नजिकको सम्बन्धमा हामी के सोच्छौं भने सानो कुनै मनमुटाबले यहाँ त्यस्तो केही समस्या आउन सक्दैन ।

किनकि यो सम्बन्ध लामो समयको साथ, सहयोग र प्रेमले बनेको हुन्छ । जसले गर्दा हल्का रिसाउँदैमा, चर्को बोल्दैमा सम्बन्धमा आँच आउने सम्भावना निकै कम रहन्छ ।

त्यसैले हामी हाम्रा नजिकका मान्छेसँग आफ्ना सबै पाटा खुलाउन हिच्किचाउँदैनौं, चाहे नराम्रा पाटा नै किन नहोउन् ।

दोस्रो कारणः

हामी नयाँ मान्छेसँग खुल्न अलि असहज महसुस गर्छौं । किनकि हामीलाई उसको बारेमा त्यति थाहा हुँदैन । साथै, उसँग त्यति साझा अनुभुतिहरू पनि नहुने भएकाले हामी सक्दो औपचारिक हुन्छौं ।

अर्को कुरा, नयाँ मान्छेले केही भनिहाले पनि हामी ‘एकैछिनका लागि त हो हाम्रो सम्बन्ध’ भनेर टारिदिन्छौं । तर नजिकको सम्बन्धमा भने अलिकति केही आफूअनुसारको नहुने बित्तिकै बोलिहाल्छौं । जसले गर्दा थोरै बोलाबोलको स्थिति पनि नजिककोमा सामान्यजस्तो हुने गर्छ ।

तेस्रो कारणः

हामी आफ्नो नजिकका मान्छेहरूको नराम्रो बानीहरू त्यति सहन सक्दैनौं । हामीमा उनीहरूका कुरालाई स्वीकार्ने ‘पाचन क्षमता’ गुमिसकेको हुन्छ ।

तर, टाढाको या नयाँ मान्छेको कुनै नराम्रो बानी भने सजिलै पचाइदिन सक्छौं । जस्तो कुनै कम्पनीको बोसको गाली, बाटोमा कसैको बोली, आदि ।

समाधान के त ?

हामीले आफू नजिकका मान्छेसँगको सम्बन्ध सुधार गर्नका लागि तलका विधि अपनाउन सक्नुहुन्छः

  • कहिलेकसो प्रियजनसँगको दुरी बढाउने । कतै टाढा जाने, केही दिनका लागि । यसले गर्दा सम्बन्धमा ताजापन आइरहन्छ ।
  • प्रियजनसँग कहिलेकाही साथीभाइ या आफन्तसँग सँगै भेट्ने । ताकि आफ्नो नराम्रो स्वभाव प्रस्तुत गर्न अलिक अप्ठेरो लागोस् ।

(ब्राइटसाइड डट मीको सहयोगमा)

प्रतिक्रिया दिनुहोस्