नेपालको डान्सिङ समूहहरु मध्येको सबैभन्दा धेरै रुचाईएको समूह हो ‘कार्टुन्ज क्रु’। कभर भिडियो निर्माण गरेर चर्चा र लोकप्रियता कमाईरहेको कार्टुन्ज क्रुको अफिसीयल म्युजिक भिडियो दर्शकले रुचाइरहेका छन् । 
उनिहरुको डान्समा हरेक पटक केहि नौलोपन देख्न पाईन्छ ।लामो संघर्ष पछि मात्र यो समूहले अहिलेको सफलता पाएका हुन् । र अहिले नेपालको डान्सिङ समूहहरु मध्येको सबैभन्दा धेरै रुचाईएको समूह बन्न सफल भएका छन् ।
कार्टुन्ज क्रु समूहका अधिकाँस सदस्यको फ्यान फलोइङ राम्रो छ । त्यसमध्ये पनि टिम लिडर सरोज अधिकारी र समूहको एक्ली सुन्दरी आश्माको चर्चा अझै व्यापक हुने गर्छ ।
‘रुपको क्यालेन्डर’ को सफलता पछी अहिले लोकप्रिय डान्स ग्रुप ‘कार्टुन्ज क्रु’ को नयाँ गीतको म्युजिक भिडियो सार्वजनिक भएको छ । ‘दिलको भित्तैमा’ बोलको गीतलाई उनीहरुले पृथक तथा रमाईलो सैलिमा प्रस्तुत गरेका छन् । 
गीतमा गायक नवीन रावलको सङ्गीत, मिलन बिस्टको शब्द रहेको छ । यस गितको यरेन्ज अल्मोडा राना उप्रेतीले गरेका हुन्। यस गीतमा अल्मोडा राना उप्रेती , एन्जिला रेग्मी र नबिन रावलको स्वर रहेको छ ।रामेश्वर कार्कीले खिचेको भिडियोलाई प्रविन श्रेष्ठले सम्पादन गरेका हुन् । 
कार्टुन्ज क्रुका सरोज अधिकारीको निर्देशनमा निर्माण भएको यस भिडियोमा सरोज र आश्माको कोरियोग्राफी रहेको छ ।भिडियोमा आश्मा विश्वकर्मा, सरोज अधिकारी, लाक्पा लामा, राम घले, सुबिन अधिकारी तथा विकास राईले गज्जबको डान्स र कमेडी गरेका छन् ।
‘एक महिनाको अभ्यास पछि तयार भएको यस भिडियोमा गरेको मिहेनतको नतिजा राम्रो होला भन्ने आशा राख्दै भिडियोमा केहि नयाँ गर्ने प्रयास गरेको निर्देशक सरोजले जानकारी दिएका छन् ।
हेर्नुहोस भिडियो:
https://youtu.be/NVj0Vrzd7z0
