कार्टुन्ज क्रुले अभिनय गरेको नयाँ गीत कहिले भेट्ने खै सार्वजनिक भएको छ ।जसमा कार्टुन्ज क्रुले यस अघिको भन्दा केहि फरक र नयाँ गर्ने प्रयास गरेको छ ।
‘कैले भेट्ने खै’ बोलको गीतमा कार्टुन्ज अघिल्लो भिडियोहरुमा भन्दा निकै फरक शैलिमा प्रस्तुत भएको छ । 
अल्मोडा राना उप्रेतीको स्वर, शब्द तथा संगीत रहेको गीतले एक युगल प्रेमजोडी छुट्नु पर्दाखेरी फेरि कहिले भेट्न सकिएला र भन्ने भाबहरुलाई समेटिएको छ ।
फरक शैलीमा गीत गाउन माहिर अल्मोडाले ‘पानी पर्यो’ बोलको गीतबाट निकै राम्रो चर्चा कमाएका हुन् । 
सार्बजनिक ‘कैले भेट्ने खै’ गीतको भिडियोलाई कार्टुन्ज क्रुले नै प्रस्तुत गरेको छ भने भिडियोमा सरोज अधिकारीको कन्सेप्ट, निर्देशन र कोरियोग्राफी रहेको छ । 
भिडियोमा आफ्नो नजिकको मान्छे रोगका कारण डाक्टरले नबाच्ने भनेपछि उनलाई छोटो समयमा आफुले दिन सक्ने खुशीका पलहरु भिडियोमा समाबेश गरिएको छ ।
सधै रमाईलो कन्सेप्टमा नाच्ने कार्टुन्ज क्रु यो पाली भने स्याड मुडमा नाचेका छन् । 
आफ्नो प्रेमिकाको मृत्युको दिनगन्ति सुरु भएको खबरले आफै दुखी भएको अवस्थाको पीडा झल्किन्छ । सरोज र आश्माले यो कन्सेप्टमा प्रमुख भुमिका निभाएका छन् । 
नवराज उप्रेतीको छायांकन रहेको भिडियोमा सरोज, आश्मा संगै कार्टुन्ज क्रीउका अन्य मेम्बरहरु पनि देखिएका छन् भने प्रबिन श्रेष्ठले भिडियो सम्पादन गरेका हुन् ।
छोटो समयमै आफुलाई स्थापित गर्न सफल काटुृन्ज क्रुले गरेका सबैगीत युटूबमा सुपरहिट हुने गरेका छन् ।
केही समय अघि नै लिरिकल भिडियो सार्बजनिक भएको गीतले राम्रै चर्चा कमाईसकेको छ ।
नेपालको डान्सिङ समूहहरु मध्येको सबैभन्दा धेरै रुचाईएको समूह हो ‘कार्टुन्ज क्रु’। कार्टुन्ज क्रु नेपालको लोकप्रिय डान्स ग्रुप हो । 
यस गीतको भिडियो कृपा दृश्य डिजिटलमा रेकर्ड गरिएको हो ।भिडियोमा आश्मा विश्वकर्मा, सरोज अधिकारी, लाक्पा लामा, राम घले, सुबिन अधिकारी तथा विकास राईको फिचरिङ रहेको छ ।
हेर्नुहोस् भिडियो:
https://youtu.be/BUlfc34O2ik
-लोकप्रिय डान्स ग्रुप ‘कार्टुन्ज क्रु’ को नयाँ गीत ‘दिलको भित्तैमा’ सार्वजनिक -पर्दा पछाडिः यसरी सुट गरिएको थियो हिट गीत 'दिलको भित्तैमा'
