निकै लामो समयदेखि नेपाली सुगम संगीतमा योगदान दिदै सुमधुर साङितिक कोशेलीहरु पस्किरहेका गायक हेमन्त शर्माले फेरि अर्को गीतको भिडियो सार्बजनिक गरेका छन् । लोकलयमा रहेको उक्त गीतको भिडियोलाई एक गाउमा गाउले समुदाय बिच खुबै मस्तका साथ निर्माण गरिएको छ ।
म्युजीक भिडियोका चर्चित मोडल दुर्गेश र प्रियंका विवाह पोशाकमा भएको एक तस्बिर कतिपय दर्शकका लागी रियल त होइन भन्ने प्रश्न खडाभएको छ । तर यो वास्तिविक नभई एक म्युजीक भिडियोकै लागी खिचिएको दृश्य हो जसमा दुर्गेश र प्रियंका विवाह सेटमा छन् । गायक हेमन्त शर्माको नयाँ गीतमा उनीहरु श्रीमान श्रीमती बनेका हुन् ।‘डम डम डम बज्यो’ बोलको उक्त गीतमा स्वर, शब्द तथा संगीत गायक हेमन्त शर्माको नै रहेको छ ।
गीतको भिडियोमा दुर्गेश र प्रियंकाको छुट्टै किसीमको अभिनय देख्न सकिन्छ ।गीतमा गायक शर्माकै शब्द तथा संगीत सुन्न सकिन्छ । श्यामश्वेत रसाइलीले यो गीतमा संगीत संयोजन गरेका छन् ।
बिहे गरौं कि नगरौं भन्ने युवाको कथा बोकेको यो गीतको म्युजिक भिडियो पनि आकर्षक बनेको छ । गायक शर्माले आफ्नै निर्देशनमा म्युजिक भिडियो तयार पारेका हुन् ।भिडियोमा अभिनेत्री प्रियंका कार्की, दुर्गेश थापा तथा केशव ज्ञवालीले अभिनय गरेका छन् ।
म्युजिक भिडियोको एक जोडी जर्मन नागरिकले पनि अभिनय गरेका छन् । भिडियोमा शिव बिकको कोरियोग्राफी छ । धीरजजंग शाहद्वारा छायांकन गरिएको भिडियोलाई प्रकाश तुलाधरले सम्पादन गरेका हुन् ।यो भिडियोलाई गायक शर्माले आफ्नै यूट्युब च्यानलबाट सार्वजनिक गरेका हुन् ।
हेर्नुहोस् भिडियो :
https://youtu.be/sAzDjU4tJ0I
