२ असोज, काठमाडौं। सरकारका प्रवक्ता तथा परराष्ट्रमन्त्री प्रदीप ज्ञवालीले कुलमान घिसिङलाई विद्युत् प्राधिकरणको कार्यकारी निर्देशकमा पुनर्नियुक्ति गर्न नेपालको कानुनले नदिले बताएका छन् ।
शुक्रबार बुटवलमा आयोजना गरेको पत्रकार सम्मेलनमा बोल्दै उनले कुलमानलाई पुनर्नियुक्ति गर्न कानुनी अड्चन भएको तर सरकार भने सकारात्मक रहेको स्पष्ट पारे ।
उनलेे देशको हित र कार्यक्षमताका आधारमा प्राधिकरणको निर्देशक नियुक्त गरिने जानकारी दिए ।
घिसिङको ४ वर्षे कार्यकाल आइतबार नै सकिएको थियो । उनलाई पुनः नियुक्ति गर्नुपर्ने आवाज व्यापकरुपमा उठे पनि सरकार भने यसबारे कुनै ठोस कदम चालेको छैन ।
प्रतिक्रिया दिनुहोस्