एजेन्सी। इन्डियन प्रिमियर लिग (आईपीएल) मा दिल्ली क्यापिटल्स शीर्ष स्थानमा उक्लिएको छ । गएराति सारजाहमा भएको खेलमा दिल्लीले राजस्थान रोयल्सलाई ४६ रनले पराजित गरेको हो ।
टस हारेर पहिले ब्याटिङ थालेको दिल्लीले निर्धारित ओभरमा ८ विकेट गुमाउँदै एक सय ८४ रन बनायो । दिल्लीका लागि मार्कुस स्टोनीसले ३९ रन बनाए भने सिमरोन हिटमेयरले ४५ रनको योगदान गरे ।
जवाफमा राजस्थान १९ ओभर ४ बलमा एक सय ३८ रनमा अलआउट भयो । खराब सुरुवात गरेको राजस्थानले १५ रनमा पहिलो विकेट गुमायो भने एक सय रन बनाउँदा सात विकेट खेर फालेको थियो । राजस्थानका लागि राउल टेवाटियाले सर्वाधिक ३८ रन बनाए ।
दिल्लीले ६ खेलबाट १० अंक बनाएको छ भने राजस्थानको चार अंक रहेको छ ।
प्रतिक्रिया दिनुहोस्