![](https://i0.wp.com/www.sallerikhabar.com/wp-content/uploads/2020/10/FB_IMG_16024705621780289.jpg?resize=720%2C480&ssl=1)
एजेन्सी। इन्डियन प्रिमियर लिग(आइपिएल)मा दिल्लीलाई हराउँदै मुम्बई इन्डियन्स शिर्षस्थानमा उक्लिएको छ। आइतबार राति शेख जायद रंगशालामा भएको खेलमा मुम्बई इन्डियन्ससँग दिल्ली ५ विकेटले पराजित भएको हो ।
दिल्लीले दिएको १६३ रनको लक्ष्य पछ्याएको मुम्बईले १९.४ ओभरमा ५ विकेट गुमाएर १६६ रन बनाउँदै जित निकाल्यो ।
मुम्बईको जितका लागि क्वीटन डीकक र सूर्यकुमार यादवले अर्धशतक बनाए । डीकक ले ३६ बलमा ५३ रन बनाउँदा यादवले ३२ बलमा समान ५३ रन बनाए । इशान किशनले १५ बलमा २८ रनको योगदान गरे ।
दिल्लीका लागि कागिसो रबाडाले २ विकेट लिँदा रविचन्द्रन मार्कुस स्टोनिस र अक्सर पटेलले १–१ विकेट लिए ।
टस जितेर पहिले ब्याटिङ थालेको दिल्लीले २० ओभरमा ४ विकेट गुमाएर १६२ रन बनाएको थियो । दिल्लीका लागि शिखर धावनले ६९ रनको योगदान गरे । कप्तान श्रेयर ऐय्यरले ४२ रन बनाए । अन्यले राम्रो प्रदर्शन गर्न सकेनन् ।
मुम्बईका लागि क्रनल पाण्डेयले २ र ट्रेन्ट बोल्टले १ विकेट हात पारे ।