Logo

लाइभ अपडेट : कोरोना भाइरस

विश्वमा कोरोना भाइरस
मृत्यु
१,९७०,०९५
संक्रमित
९२,००९,५०३
निको भएका
६५,८२१,८६९
नेपालमा कोरोना भाइरस
मृत्यु
१,९३२
संक्रमित
२६५,६९८
निको भएका
२५९,३५८

इन्ज्युरी समयमा भार्डीले लेस्टरलाई हारबाट जोगाए



एजेन्सी। इंग्लिस क्लब लेस्टर सिटी युरोपा लिगको समूह चरणको चौथो खेलमा ब्रागासँगको हारबाट जोगिएको छ । ब्रागामा बिहीबार राति भएको खेल ३–३ गोलको बराबरी सकिएको हो ।

घरेलु टोलीले खेलको चौथो मिनेटमा नै अल मुसरातीको गोलबाट अग्रता बनायो। नवौं मिनेटमा लेस्टरका हार्वे बार्नेसले बराबरी गोल फर्काए ।

२४औं मिनेटमा पाउलिन्होले रिकार्डाे होर्टाको पासमा गोल गर्दै ब्रागालाई पुनः २–१ को अग्रता दिलाए । २६औं मिनेटमा ब्रागाका गोलरक्षक म्याथुयसले सेङ्गिज अन्डरको प्रहारलाई उत्कृष्ट बचाउ गर्दै लेस्टरको बराबरी टारे । ७८औं मिनेटमा लुकी थोमसले गोल गर्दै खेललाई २–२ गोलको बराबरीमा ल्याए ।

९०औं मिनेटमा फ्रानसर्जियोले गोल गर्दै ब्रागालाई पुनः ३–२ को अग्रता दिलाए । तर, इन्ज्युरी समयको थप गरिएको पाँचौ मिनेटमा जेमी भार्डीले मार्क अलब्राइटनको पासमा गोल गर्दै लेस्टरलाई हारबाट जोगाए ।

यो बराबरीले समूह ‘जी’ मा लेस्टर ४ खेलबाट १० अंक जोडेर शीर्षस्थानमा रहँदा ब्रागा ७ अंकसहति दोस्रो स्थानमा रहेको छ ।

प्रतिक्रिया दिनुहोस्