रोजकिरण रावत
संस्थापक तथा अध्यक्ष
नेपाल पर्यटन बिद्यार्थी संजाल
हामी पर्यटन अध्ययनरत बिद्यार्थीहरुले नेपाल पर्यटन बिद्यार्थी संजाल नामक सामाजिक संस्थाको स्थापना गरेका छौं । यो एउटा गैरसरकारी, सामाजिक अनि नेपाली पर्यटन उत्थानका लागि स्थापित पर्यटन तथा होटेल ब्यवस्थापन अध्ययनरत बिद्यार्थीहरुको संजाल हो । नेपाली पर्यटन बिद्यार्थीहरुलाइ बिभिन्न माध्यमबाट जोडेर नेपाली पर्यटनको प्रचारप्रसार गर्न र उद्यमशील क्षमताको बिकास गर्ने उद्देश्यले यो संस्थाको परिकल्पना गरिएको हो ।
पर्यटन बिकासका लागि स्रोत र साधनको सदुपयोग गर्न सिक्न , पर्यटन सम्बन्धी ज्ञान पर्यटन बिद्यार्थी कै माध्यमबाट ग्रामीण क्षेत्रसम्म पुर्याउन र समग्र पर्यटन तथा होटेल ब्यवस्थापन बिद्यार्थीहरुलाइ एकआपसमा जोडी सृजनात्मक बिचारहरु आदानप्रदान गरी नेपाली पर्यटन प्रबर्द्धनका लागि उच्चस्तरीय योगदान पुर्याउने यस्को मुख्य लक्ष्य हो । यस्को प्रधान कार्यालय तारकेस्वर न.पा. वडा न. ८ काठमाडौमा रहेको छ ।
नेपालमा पर्यटन सम्बन्धी अध्ययन गरिरहेका पर्यटन बिद्यार्थीलाई अध्ययन सँगसँगै खोज पर्यटनतिर पनि लाग्न उत्प्रेरित गरी नेपाल राज्यभर भएका पर्यटकिय गन्तव्यहरुबारेमा बिस्तृत विवरण पत्ता लगाइ नेपाली पर्यटनको प्रचारप्रसार र बिकास गर्ने हाम्रो मुख्य कर्तव्य हुनेछ । यसले बिद्यार्थीलाई नेपाली पर्यटन बिकासमा बढि जिम्मेवार बन्न प्रेरणा दिनेछ । हामी देशका ७७ वटै जिल्लामा हाम्रा पर्यटन साथीहरुलाई जिल्ला पर्यटन बिद्यार्थी दुतको रुपमा जिम्मेवारी दिनेछौ । जसले आफ्नो सम्बन्धित जिल्लाबारेमा पर्यटकिय महत्व, सम्भावना, अवसर, चुनौती, सुबिध, असुविधा, आदिका बारेमा बिस्तृत प्रतिबेदन र तथ्यांकहरु खोज्ने छ ।
जिल्लाको बारेमा बिस्तृत पर्यटन प्रतिबेदन निर्माण गर्न हामीले संबन्धित जिल्लाका स्थानीय प्रतिनिधि, प्रमुख जिल्ला अधिकारी, समाजसेवी तथा राजनीतिक ब्यक्तित्व, ब्यापारी, बिद्यार्थी, स्थानीय बासिन्दा सबैको सहयोग र साथ लिनेछौ । हामी नेपालका प्रत्येक नागरिकलाई देशको समग्र पर्यटन र पर्यटकीय गन्तव्यबारेमा जानकारी दिनेछौ । देशको पर्यटन बिकासको लागि हाम्रा कला-संस्कृति, रहनसहन, भेषभुषा, बाजेबराजुले खाने गरेका खानाका परिकारहरुको संरक्षण अब हामी नयाँपुस्ताले गर्ने अठोट गरेका छौ । हाम्रा पुर्खाले हामीलाई सुम्पेका सम्पतिहरुको सदुपयोग गर्दै उद्धमशीलता तर्फ अगाडि बढि पर्यटनको माध्यमबाट राष्ट्रिय अर्थतन्त्रमा योगदान पुर्याइ समृद्द देशको समृद्द नागरिक बन्ने हामी पर्यटन बिद्यार्थीको सपना छ ।
देशमा एक्लैले अथवा एक जनाको प्रयासले मात्रै पर्यटन बिकास सम्भव छैन । त्यसैले हामी एक एक जना तर एकैपटक आत्मबिस्वास, इच्छाशक्ति, शिप, जाँगरका साथ लाग्दैछौं । परिवर्तन हाम्रै पालामा सम्भव छ यो हामीले अंतरआत्मा देखिनै बुझेका छौ । अहिले नेपाली पर्यटनको बिकास हुदै गर्दा केहि गलत र संकुचित सोच राखेका पर्यटन ब्यवसायीहरुले नेपाल आउने पर्यटकहरुमा नराम्रो ब्यवहार अनि कृतिम समस्या सृजना गरी पर्यटकहरुलाई अनावश्यक दु:ख दिने काम भैरहेको छ । यसबारेमा पनि हामी कडा कदम चाल्ने छौ । पर्यटन बिद्यार्थीमा बढिभन्दा बढि सिर्जनशीलता, आत्मविश्वास, उद्यमशीलता, सकारात्मक सोचको बिकास गर्न हामीले जोड दिनेछौ । हामीले स्वदेशमै अवसरहरु सृजना गर्ने वातावरणको निर्माणतर्फ ध्यान दिनेछौ ।
हामीले नेपाल सरकारका पर्यटनसम्बन्धी हरेक गतिविधिहरुमा साथ र सहभागिता जनाउने छौ । अब आउँदै गरेको ‘नेपाल भ्रमण बर्ष २०२०’ लाई सफल बनाउन हामी पर्यटन बिद्यार्थीहरुले नेपाल सरकारलाई स्वयंसेवकको रुपमा सहयोग गर्ने छौ । हामीले देशभरको पर्यटन प्रचारप्रसारमा नयाँ नीति तथा कार्यक्रमहरु ल्याउने छौ । सोच्नुपर्ने र गर्नुपर्ने धेरै छ । हजुरहरुको साथ, सल्लाह, सुझाव र टिप्पणीहरुले हामीलाई ठुलो मद्दत र प्रेरणा मिल्नेछ ।
संस्थाको उद्देश्यहरु संक्षिप्तरुपमा :-
१. पर्यटन बिद्यार्थीको माध्यमबाट नेपालको पर्यटनको प्रचारप्रसार गर्ने ।
२. पर्यटन बिद्यार्थीमा उद्यमशीलताको बिकास गर्ने ।
३. पर्यटन बिद्यार्थीलाई एकआपसमा जोडि पर्यटन सम्बन्धी सिर्जनात्मक बिचारहरु आदानप्रदान गर्ने ।
४. पर्यटनको हिसाबले महत्वपूर्ण पुराना कला-संस्कृति र सम्पदाहरुको संरक्षणमा युवापुस्तालाई जागरुक गराउने ।
५ . पर्यटनसम्बन्धी ज्ञान र सीप पर्यटन बिद्यार्थीकै माध्यमबाट ग्रामीण क्षेत्रसम्म पुर्याउने ।
