गुल्मी चेम्बर अफ कमर्शको आयोजनामा हुन गइरहेको प्रथम गुल्मी सांस्कृतिक तथा पर्यटकीय महोत्सवको तयारी यति बेला तीव्रताका साथ अगाडि बढाइएको छ ।
महोत्सवको गुल्मी चेम्बर अफ कमर्श मुख्य आयोजक रहेको र जिल्लास्थित लोकदोहोरी प्रतिष्ठान, पत्रकार महासङ्घ लगायतका विभिन्न सामाजिक संघसंस्थाहरुले सहआयोजक रहेको बताइएको छ । आइतबार सदरमुकाम तम्घासमा पत्रकार सम्मेलन गरी महोत्वसको उद्देश्य बारेमा जानकारी गराइएको थियो ।
महोत्सवले जिल्लाका रेसुङ्गा, रुरु, विचित्र गुफा, टिमुरे ताल जस्ता पर्यटकीय क्षेत्रको प्रचारप्रसार गर्न सहयोग पुर्याउने आयोजकले विश्वास लिएको छ ।
महोत्सव अवधिभर रेसुङ्गा जाने पर्यटकको लागी यातायातको व्यवस्था गर्न आयोजकले गर्ने छ । महोत्सव आउँदो चैत २२ गते देखि वैशाख २ गते सम्म सदरमुकाम तम्घासमा सञ्चालन हुने आयोजकले जनाएको छ ।
खड्का सल्लेरी खबरका लुम्बिनी प्रदेश सम्बाददाता हुन् ।