इण्डियन प्रिमियर लिग (आईपीएल) अन्तर्गत नेपाली समय अनुसार आज राति सवा ८ बजे डिफेन्डिङ च्याम्पियन चेन्नाई सुपर किङ्स र मुम्बई इन्डियन्स बीच आमनेसामने हुने भएको छ ।
महेन्द्रसिंह धोनीको कप्तानीमा चेन्नाईले तीन खेलमा तीनै खेल जित्दै यसपालीको आईपीएल सिजन अंकतालिकाको शीर्ष स्थानमा रहेको छ ।
उता, रोहित शर्मा नेतृत्वको मुम्बई तीन खेल मध्ये एकमा जित र दुई खेलमा हार बेहोर्दै अंक तालिकाको छैठौं स्थानमा छ ।
यसर्थमा चेन्नाई आफ्नो शानदार जितको शृंखलालाई बरकरार राख्ने दाउमा छ भने मुम्बई थप जित हासिल गर्दै तालिकाको माथितिर सर्ने सोचमा देखिन्छ ।
अहिलेसम्म यी दुई टिमबीच २६ पटक भिडन्त भएको छ, जसमा मुम्बईले १४ र चेन्नईले १२ खेल जितेका छन् ।
प्रतिक्रिया दिनुहोस्