एजेन्सी। रियल म्याड्रिडका गोलरक्षक थिबाउट कोर्टुवाले यूईएफए च्याम्पियन्स लिग अन्तर्गत म्यानचेस्टर सिटीविरुद्ध हुने राउन्ड अफ १६ को दोस्रो लेग गुमाउने सम्भावना रहेको छ । उनले रियल बेटिसविरुद्ध हार बेहोरेको खेलमा चोट बोकेपछि केहि खेल गुमाउने सम्भावना बढेको हो ।
चोट लागेको बायाँ खुट्टा सुन्निएको कारण मंगलबार मात्र परिक्षण गरिने भएको छ । कोर्टुवाले कम्तिमा दुई खेल गुमाउने सम्भावना रहेको स्रोतले जनाएको छ । रियलले शुक्रबार ला लिगाअन्तर्गत एइबारसँग प्रतिस्पर्धा गर्दैछ । त्यसपछि रियलले इतिहाद रंगशालामा म्यानचेस्टर सिटीको सामना गर्नेछ ।
सिजनको सुरुवातमा कमजोर देखिएका कोर्टुवा पछिल्लो समय निकै लयमा रहेका छन् । डिसेम्बरदेखि लगातार लिगमा पहिलो रोजाइमा रहेका उनले एल क्लासिकोमा समेत क्लिनसिट राखेका थिए ।
प्रतिक्रिया दिनुहोस्