एजेन्सी। च्याम्पियन्स लिगमा अन्तिम १६ को दोस्रो लेग अन्तर्गत आज पेरिस सेन्ट जर्मन (पिएसजी) ले बोरुसिया डर्टमण्डको सामना गर्दा साविक विजेता लिभरपुलले एट्लेटिको मड्रिडसँग घरेलु मैदानमा प्रतिस्पर्धा गर्दैछ । यी दुवै खेल राति पौने २ बजे सुरु हुने छन् ।
पिएसजीको घरेलु मैदान पार्क डि प्रिन्सेसमा हुने खेलमा पिएसजी दबाबमा रहनेछ । आजको खेलमा पिएसजीलाई समर्थन गर्न साथमा घरेलु दर्शक हुने छैन । अर्कोतिर, डर्टमण्डलाई आजको खेल कम्तिमा पनि बराबरीमा टुङ्ग्याउनु पर्ने बाध्यता छ । अन्यथा डर्टमण्डले अन्तिम आठमा आफ्नो स्थान गुमाउनु पर्ने हुन्छ ।
यस्तै, लिभरपुललाई आजको खेलमा पुनरागमन गर्ने ठूलो मौका छ । आजको खेलमा एट्लेटिलाई गोलरहित बराबरी या समान गोलको बराबरी भए पनि पुग्नेछ । तर लिभरपुललाई भने जित निकाल्नै पर्ने अवस्था छ ।
प्रतिक्रिया दिनुहोस्