७ बैशाख, एजन्सी – विश्वव्यापी महामारी सिर्जना गरिरहेको कोरोना भाइरसले भारतमा पनि तीव्र संक्रमण तथा प्रभाव पार्न थालेको छ । गत हप्तासम्म सामान्य रहेको भारतमा अहिले कोरोना व्यापक बन्दै गएको छ । तर गत २४ घण्टामा कोरोनाबाट ज्यान गुमाउनेको संख्यामा केही कमी भएको छ ।
भारतमा बितेको २४ घण्टामा ३५ जनाले ज्यान गुमाएका छन् । हिजो अर्थात् अप्रिल १८ तारिखमा मात्रै भारतमा ३५ जनाले कोरोनाको कारणले ज्यान गुमाएका हुन् ।
अहिलेसम्म भारतमा १५ हजार ७ सय २२ जनामा कोरोना संक्रमणको पुष्टि भइसकेको छ । यो सामग्री तयार पार्दासम्म भारतमा कोरोनाको कारण ५ सय २१ जनाको मृत्यु भइसकेको छ । गएको २४ घण्टामा भारतमा १३ सय ७० जना नयाँ कोरोना संक्रमित भेटिएका छन् ।
प्रतिक्रिया दिनुहोस्