२३ जेठ, काठमाडौँ। म्यानमारबाट नेपालीलाई लिएर त्यहाँको सैन्य विमान उडेको छ। आज बिहान २६ जना नेपालीलाई लिएर विमान उडेको हो। म्यानमारबाट नेपाली यात्रु बोकेको जहाज उडिसकेको र जहाज मध्यान्ह करिब १२ बजे नेपाल आइपुग्ने त्रिभुवन अन्तर्राष्ट्रिय विभानस्थल कार्यालयले जनाएको छ ।
यसअघि म्यानमारको सेनाको एयरफोर्स जहाजमार्फत आज बिहान १० बजे नेपाल आइपुग्ने तय भएको परराष्ट्र मन्त्रालयका सहसचिव हरिश्चन्द्र घिमिरेले जानकारी दिएका थिए । तर, मौसमका कारण केही ढिलो भएको हो।
यसैबीच, युएइबाट ल्याइने नेपाली नागरिकको बारेमा भने अन्यौल भएको छ । युएईको सारजहाँबाट एयर अरेबियाको जहाजबाट आज १६८ जना नेपाल आउने यसअघि तय भएको थियो । आज ११.४५ मा ल्याण्ड हुने भनिएको त्यो जहाज भाडाको बिषयमा मत बाझिएपछि शुक्रबार ४ बजे आउनेगरी समय सारिए पनि अन्यौल नै रहेको परराष्ट्र मन्त्रालयले जनाएको छ ।