नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रधानमन्त्रीका लागि उम्मेदवारी दिएका छन्।
प्रचण्डले विहान ११ बजेर २५ मिनेटमा उम्मेद्वारी दर्ता गरेका थिए । उनको प्रस्तावकमा कांग्रेस सभापति शेरबहादुर देउवा छन् भने समर्थकमा कृृष्णबहादुर महरा, उपेन्द्र यादवसहितका नेताहरु छन् ।
अघिल्लो दिनसम्म एमालेले पनि उम्मेदवारी दिने तयारी गरेको थियो । तर, मंगलबार विहान बसेको एमाले स्थायी कमिटीको बैठकले उम्मेद्वारी नदिने र विपक्षमा मतदान गर्ने निर्णय गरेको छ । अब प्रचन्ड मात्र एक्लो उम्मेद्वार छन्। एक्लो उम्मेदवार भएपनि माओवादी अध्यक्ष प्रचण्ड सर्वसम्मत प्रधानमन्त्री भने बन्ने छैनन् । संसदको नियमावली अनुसार मतदान प्रक्रियामा लैजानुपर्छ ।
संसदमा अहिले ५९५ सांसद छन् र प्रधानमन्त्रीमा निर्वाचित हुन २८८ मत आवश्यक पर्छ । अहिले सम्म प्रचण्डको पक्षमा ३६६ भन्दा बढी सांसद उभिएका छन्। जुन मतले सजिलै बहुमत पुग्छ।
