लोक पप गीतको दुनियाको चर्चा यतिबेला बढ्दै गएको छ र यसक्रममा शक्ति चन्द र दुर्गेश थापाको नयाँ लोक पप् गीत बजारमा आएको छ| ‘ओटे ओटे भिरबाट लोटे, यस्तै यस्तै गित गाउँछ गलकोटे’ बोलको गीत भर्खरै मात्र युटुबमा सार्बजनिक भएको हो | जसमा चन्द र थापाको स्वर रहेको छ भने गायक द्वयको अभिनय पनि रहेको छ|
यस गीतमा उनको फरक फरक भुमिकामा अभिनय देख्न सकिन्छ ।जुनसुकै स्टेज कार्यक्रममा गए पनि दुर्गेशले दर्शकहरुको मन जित्न सफल भएका हुन्छन् ।
त्यस्तै लोक सांगितिक क्षेत्रमा पछिल्लो समय निकै चर्चा परिचर्चा बटुल्न सफल बहुचर्चित गायक शक्ति चन्दले पनि दर्शकहरुको मन जित्न सफल भएका छन् । 
आज भोली बढी जसो स्टेज कार्यक्रममा व्यस्त हुने थापा र चन्द स्टेज तताउन र दर्शकलाई नचाउन निकै खपिस छन्।
सधै नयाँ गेटअप र लुक्समा देखिन रुचाउने गायक तथा मोडल दुर्गेश थापाले लिङ्ग परिवर्तन गरे भन्दा तपाईलाई अचम्म लाग्न सक्छ ।
तर यो लिङ्ग परिवर्तन भने सधैका लागी नभएर दुर्गेश थापा र शक्ति चन्दको नयाँ गित गल्कोटेको भिडियोमा देखाईएको भुमिका हो ।
दर्जनौ क्यारेक्टरमार्फत एउटै भिडियोमा देखिएका दुर्गेश गाउलेदेखी रकस्टारको रुपमा प्रस्तुत भएका छन्। लोक शब्दहरु समेटेर तयार पारिएको भिडियोमा दुर्गेश आमा,बुवा,छोरा,पुलिस,मेयर लगायत दर्जनौ भुमिकामा देखिदा भिडियो थप रोमान्चक बनेको छ ।
बसन्त थापाको संगीत रहेको गीतमा निर्देशनका संगै सम्पादन पनि क्रान्ति केसीले गरेका छन्| गीतको भिडियोमा मोडेल थापाले ९ छुट्टाछुट्टै भूमिकामा अभिनय गरेका छन्|
हेर्नुहोस् भिडियो:
https://youtu.be/eAORxZbiuys
