२४ भदाै, धरान – धरानमा एक जना युवतीको रहस्यमय मृत्यु भएको छ । धरान उपमहानगरपालिका–११ की २२ वर्षीया युवतीको रहस्यमय मृत्यु भएको हो ।
सो मृत्यु प्रकरणपछि प्रहरीले प्रहरीले चार जनालाई पक्राउ गरेको छ । भदाै २२ गते सोनी हाङ्मा लिम्बु आफ्नै कोठामा मृत अवस्थामा फेला परेकी थिइन् ।
६१ वर्षीय भीम माबो, २८ बर्षीया सन्जु माबो, २५ बर्षीया विमला माबो र २० वर्षीय हेमकुमार माबोलाई प्रहरीले पक्राउ गरेको हो ।
किन छ मृत्यु रहस्यमय ?
भदाै २२ गते ती युवति मृत भेटिएकी थिइन् । मृत भनीएकी युवति झुण्डिएको अवस्थामा भेटिएको भनेर प्रहरीमा खबर पुगेको थियो ।
तर, प्रहरी घटनास्थलमा पुग्दा युवतीको शव झुण्डिएको अवस्थामा भेटिएन ।
सोनीको शव झुण्डिएको अवस्थामा नभेटिएर खाटमा राखिएको अवस्थामा भेटिएको थियो ।
केही महिनाअघि ती युवतीले भागेर आइत माबोसँग भागेर विवाह गरेको बताइएको छ । त्यसपछि सोनीको मृत्यु भएपछि माइती पक्षले मृत्यु रहस्यमय भएको भन्दै प्रहरीमा उजुरी दिएको थियो ।
मृतक सोनीको शरीरमा रातो रातो डामहरू देखिएपनि अन्य चोटपटक भने नदेखिएको बताइएको छ । मृतक सोनीको शव पोष्टमार्टमको लागि बिपी कोइराला स्वास्थ्य विज्ञान प्रतिष्ठान पठाइएको प्रहरीले जनाएको छ ।