काठमाडौं। नेपाल विद्युत प्राधिकरणका कर्मचारीले कार्यकाल सकिएका कार्यकारी निर्देशक कुलमान घिसिङलाई विदाइ गरेका छन् । आज एक कार्यक्रमको आयोजना गर्दै प्राधिकरणका कर्मचारीले घिसिङलाई विदाइ गरेका हुन् ।
घिसिङको ४ वर्षे कार्यकाल आइतबार नै सकिएको थियो । उनलाई पुनः नियुक्ति गर्नुपर्ने आवाज व्यापकरुपमा उठे पनि सरकार भने यसबारे मौन छ।
बिदा हुँदै घिसिङले कर्मचारीलाई जुनसुकै नेतृत्व आए पनि उर्जा कायम राखी राख्न आग्रह गरेका छन् । ‘नेतृत्व आउनेजाने भइरहन्छ। यो उर्जा जुनसुकै नेतृत्व आए पनि रहिरहोस्’।
कुलमानले नेतृत्वको परिवर्तन स्वाभाविक प्रक्रिया भएको उल्लेख गर्दै आफूलाई साथ दिने सम्पूर्ण नेपाली जनतालाई धन्यवादसमेत दिएका छन्।
प्रतिक्रिया दिनुहोस्